(@fb Sushiro HK 香港壽司郎 圖片)
每逢颱風來襲不少公司都會有特別返工安排，其中飲食業尤其如是。而因應今次颶風「韋帕」影響下，香港壽司郎今日(20日)早上曾發公告指，「由於受颱風影響，為保障客人及員工安全，香港壽司郎全線分店，本日暫停營業。」；惟公告推出後12小時後，壽司郎卻再發出公告指，各分店將會陸續恢復營業。此舉立即引來網民責鬧，怒斥「轉咗8號波即刻要人返工」、「商家佬果然計到盡」。
事發今日早上6時許，香港壽司郎發公告指，「由於受颱風影響，為保障客人及員工安全，香港壽司郎全線分店，本日暫停營業，本日暫停營業。不便之處，敬請諒解。如有進一步新消息，我們會在Facebook及Instagram公佈。」公告隨即得到不少網友大讚，「抵我成日幫襯你地，吾好似得其他無良餐廳」、「好老闆 體諒員工著想」、「將心比心 員工都係人 有屋企 休息都好正常」、「良心餐廳」。
改稱提供有限度營業
然而，公告發出後數十小時，約同日下午五時左右，香港壽司郎再發公告指，「暫停營業的香港壽司郎各分店將會陸續恢復營業。惟部分服務或食材供應可能會受阻，我們會盡力提供有限度營業，不便之處，敬請諒解。如若食材供應影響到店舖正常營業，部分分店有可能會提早閉店。」
網友「又話全日唔開嘅？」
如此公告不少網友大為憤怒，指責香港壽司郎「轉咗8號波即刻要人返工」、「一早講咗是日暫停營業，你哋都唔會預咗多人會突然嚟幫襯啦。況且交通又未回復，咁樣難為啲員工，啲顧客唔會讚你只係覺得你哋刻薄㗎咋！」、「又話全日唔開嘅？」、「前腳寫全日暫停營業，後腳又話立即恢復，一時一樣影響商譽，識唔識，明唔明?」另外亦有人嘲笑指，「大家試下睇上一個post d留言再黎睇呢個，勁好笑」、「全部都炒車」。
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
