女童港鐵車廂跳起玩吊環，網民不滿家長無阻止反教女童「上槓上環」(Threads影片截圖)
港鐵車廂內不時有小童表演「體操」，近日有網民直擊同類事件，不過身旁的家長不但無制止，更「指導緊個妹妹點樣上槓、上環」。
網民在社交平台Threads上載影片，見到一名女童以身旁的扶手借力，再靈活地跳起捉著上方的扶手，在空中維持兩三秒。怎料女童的家長不但沒有制止，更手指著扶手，及以腳示範如何「夾著」扶手跳起。
上載影片的網民指當時女童一踏入車廂，就跳起上扶手玩吊環。正當他想跟家長說「你嘅小朋友可能去唔夠遊樂場喎」。但未及開聲反映，「個家長已經指導緊個妹妹點樣上槓、上環。我反應唔切，唔知講咩好，因為呢個家庭已經唔係同一般人同一個層次。咁我唯有衷心希望呢位妹妹日後為國家賺一面體操金牌啦，有家長嘅栽培真係好重要呀」。
網民意見不一
有網民留言指「其實我地細個咪又係咁」，「其實大家細個邊個冇玩過呢個遊戲？」不過亦有網民反駁指「點解咁多人都會認為以前細個都係咁玩，係依加先咁多規矩，我就未喺車廂咁玩過，亦未見過人咁玩，以前啲父母邊會容許呢件事發生，邊會好似依加咁，見到小朋友行為有問題仲要鼓勵佢」。
