@Threads mulbyeongie圖片
日常購物經常會遇上交續的情況，不過大多數人只要「啱數」就不會仔細檢查交來的錢。近日在社交平台Threads就有人分享，自己收錢個時不為意，收下一張被用黑色筆畫了有三個符號的50元銀紙。事主表示，不知符號有何意思，但「好驚會對自己有啲咩影響」，因而在Threads向網友請教。
貼文上傳後迅間引起網友討論，各人對符號的意思看法不一，除了有人笑指，「第一眼以為係古老闆(古天樂)簽名」外，其中有一派認為，符號是一張「鎮鬼咒」，「上一手應該俾鬼搞，然後有人俾咗呢個咒佢封住隻鬼，收咗隻鬼之後上一手即刻使咗張銀紙」；「依張五十蚊上面啲符文，係典型嘅封靈咒，通常用嚟壓制啲孤魂野鬼，上一手好大機會撞過嘢，所以急急腳用咗張錢擋災，而家落到你度，啲靈氣未必散晒」建議事主「呢兩日睇下有啲咩唔舒服再部署下一步啦」、「即刻落地鐵站八達通增值機用咗佢，等佢同部機摙過」、「放入香油箱，等佢同佛祖來一場Battle」
估計是錢母？
雖然有一部份人認為是鎮鬼符號，但討論中亦有一批人持「相反意見」，指符號是泰國符咒「錢母」，主要用作招財，「其實唔使擔心 只係泰國嘅一啲符咒 主要作用是招財 我估計這張銀紙是錢母，錢母會生錢的，這是好東西」；「呢種係泰國師傅加持過既、喻意會搵多的錢，有好運有財運！恭喜你，這將表示你會有財運」。
ADVERTISEMENT
