港鐵旺角站有兩名少女疑遭阿伯非禮，停站時企車門阻列車行駛要求對方落車，隨後有多名男乘客「加入」罵戰要求老伯落車，最終老伯跟着職員下車，但堅稱自己沒有非禮。(Threads)
社交平台Threads近日瘋傳影片，指港鐵旺角站有兩名少女疑遭阿伯非禮，停站時企車門阻列車行駛，要求對方落車，怒斥「一係（你）落嚟！一係全車人同你一齊」、「你好唔好意思啊，70、80歲人鹹濕個𡃁妹」，隨後有多名男乘客「加入」罵戰要求老伯落車，「落唔X落啊，X你老X！」、「唔出去揼X你啊」。最終老伯跟着職員下車，但堅稱自己沒有非禮。
有網民在社交平台發片及發帖表示，周日（14日）下午5時半搭港鐵經過旺角站，目擊兩名女子與一名男乘客衝突：「（列車）開咗門之後有個阿叔上咗車，然後有2個女仔喺月台同車門中間不停指住阿叔嚟鬧，話個阿叔非禮佢哋，叫佢落車，佢哋要報警。」
影片可見到當時列車停駛，至少兩名港鐵職員在場處理。一名穿吊帶裝束女子擋在列車車門，喝斥車廂座位的阿伯下車，「一係你落嚟，一係全車人同你一齊（等）。全車人陪你1個！」、「（閉路電視）全部都有㗎！你千祈唔好落車啊我同你講」、「鹹濕佬！」。吊帶女旁邊的灰衣女子亦喝斥「有閉路電視㗎！你好唔好意思啊，70、80歲人鹹濕個𡃁妹」。
多名男乘客加入圍罵 職員勸喻冷靜
惟阿伯仍拒絕下車，車上多名男乘客鼓譟加入圍罵，「你落車啊而家！」、「落唔X落啊，X你老X！」、「你非禮人哋啊依家係，仲整跌人哋電話」、「你快啲出去！」，有人更聲言「唔出去揼X你啊」。職員則勸喻乘客冷靜。最後，阿伯在港鐵職員帶領下離開車廂，其間疑似老伯聲音堅稱，「我完全無掂……」。
港鐵表示，9月14日下午5時許，旺角站職員留意到一列往荃灣方向的列車上有乘客發生爭執，主動上前協助，一名女乘客表示被車上一名男乘客騷擾，職員協助報警，並陪同雙方留在車站等候警員到場處理，其間列車運作大致正常。
ADVERTISEMENT
立即更新/下載AM730手機APP 體驗升級功能
