本港仍有部分舊式公廁保留尿槽設計。(資料圖片)
尿兜是男廁獨有的設備，本港公廁近年都採用私隱度較高的獨立式尿兜，但仍有部分舊式公廁保留尿槽設計。近日有網民在社交平台發帖，關注男士使用槽式尿廁時，應站在較貼近牆壁的金屬架還是地上，並在圖片以紅、藍圈區分金屬架和地上。
▼網民討論應站紅圈定藍圈▼
網民戲稱：後生企藍，阿伯企紅
有網民從衞生角度指，尿槽設計本身就是知道有男士尿液會滴在地上，但又想避免用家會踩到他人尿液，因此特意在尿槽設有一個通窿的金屬架，「佢個設計本身就係怕你周圍痾濕，但又怕你對鞋大面積咁踩住人哋啲尿，你踩響(喺)藍色個鞋底同尿漬嘅接觸面積大過踩紅色位」、「企紅色100%會踩到人哋啲尿，企藍色50%會踩到人哋啲尿」、「個設計係喺你屙到尾水之後就會直線向下滴，喺呢個時候你企既位置都仲係尿槽位防止啲尿滴落地……(由於)都係踩返啲尿，所以啲人都寧願企藍色位。」
不過，有男士就覺得站得太近牆壁，小便時尿液隨時反彈到身上，「見到有個呀叔同小朋友一齊企係紅色位，之後個小朋友被反彈到成面都係水點」、「企係(喺)紅色位會同同學仔互相痾尿時，俾大家啲尿反彈到條褲同對腳都係尿」。亦有人戲稱隨著年齡漸長，站立位置也要愈來愈前，「後生仔企藍，阿伯企紅」、「後生仔企藍色，老人家玩滴滴仔緊係企紅色啦。」
尿槽公司曾強調問題涉及常識
翻查報道，業務包括製造不鏽鋼尿槽的澳洲公司Stoddart Plumbing，其發言人曾解釋站在哪裡主要涉及常識問題(common sense more than anything)。他指，該金屬格的設計就是讓男士站在上面，以靠近牆面小便，避免含有尿酸的尿液四處濺出，若滲入瓷磚和縫隙會非常難清理，又相信大多數男士都不希望尿液濺到鞋子或褲子上。
▼小便—尿味異常或因糖尿病或腎衰竭等疾病▼
立即更新/下載AM730手機APP 體驗升級功能
