有網民上班欠5分鐘遲到，他在金鐘站搭乘超長電梯，趕時間時卻遇上「左右企穩」乘客，發帖公審「左企乘客」大表不滿 (Threads)
港鐵去年底宣傳搭扶手電梯「左右企穩」安全習慣，呼籲緊握扶手切勿行走，同以往大眾「左行右企」模式背道而馳。近日有網民上班欠5分鐘遲到，他在金鐘站搭乘超長電梯，趕時間時卻遇上「左右企穩」乘客。發帖公審「左企乘客」大表不滿：「有冇人明返八（點），仲有5分鐘遲到俾人塞住究竟有幾躁底？可唔可以體諒吓我哋呢啲返早嘅人類？」，再次掀起網民對搭扶手電梯的激辯。
樓主早前於社交平台Threads發帖表示，「想點？有冇人明返八（點）仲有5分鐘遲到俾人塞住究竟有幾躁底？」他指香港搭扶手電梯仍保持「左行右企」習慣，無奈表示「喺香港搭扶手電梯就係左行右企㗎啦，行唔郁嘅企返去右手邊好難？可唔可以體諒吓我哋呢啲返早嘅人類？」影片可見，樓主正搭港鐵金鐘站的超長扶手電梯，旁邊電梯的左側仍維持「左行右企」模式，有乘客正在向上前行；惟他的扶手電梯有3名左企乘客「塞路」。
網民分兩派激辯
帖文引起網民熱議，分為兩派激辯，有人支持「左行右企」模式，對於搭扶手梯被「塞路」感同身受，「我以為唔阻住其他人係基本禮貌」、「我仍然都會遵守左行右企呢個規則，已經習慣該唔到」、「叫人要兩邊企嘅人，冇試過前面企住行得慢過電梯嘅老人家？兩邊都企前面塞住走都走唔切」、「搭電梯不嬲都係左行右企，真係好憎人企哂兩邊。一啲都唔符合香港人既步伐」、「完全懂，早上趕時間卻被堵在扶梯上，心裡罵爆卻又不能講出口」，另有人建議「大聲講唔該借借，肚痛急屎呀！」
亦有人支持「左右企穩」，並建議樓主提早出門，「趕時間行樓梯咪得」、「你早啲出門口咪無事囉」、「你遲到關人鬼事 。講聲唔該咪讓你行先」、「唔行咪唔行，老馮要行？」、「如果遲到其實自己都有責任，點解唔早少少出門，而怪別人唔肯為自己開路」、「世界不是圍繞個人習慣轉動」、「兩邊企穩先係最高效率，全部人受惠」。
ADVERTISEMENT
