羅淑佩趁佛誕日頭得閒，從灣仔沿海行咗去北角。(羅淑佩FB)
今日係佛誕，唔少市民都入咗長洲參加飄色巡遊同搶包山等。文化體育及旅遊局局長羅淑佩日前完成阿聯酋同沙特阿拉伯嘅4日訪問返港，佢話長假期最後一日有啲時間，就決定從灣仔沿海濱、東岸公園同東岸板道行去北角。
▼羅淑佩推介灣仔至北角沿海路線▼
今年五一旅客量增幅可觀
羅淑佩喺社交網站發帖，預告今晚將會去長洲主持搶包山鳴槍禮。日頭佢由灣仔行去北角，形容即使陽光照普照，海風吹埋嚟都感到十分怡人，期間更撞正怡和午炮中午12點鳴放禮炮。佢提到，沿途所見本地市民同旅客，不論種族、年紀、身體狀況，以至寵物毛孩，都享受到海港帶嚟嘅寫意閒適，仲話自己都「偷得浮生、半日自在」。
同時，今日都係五一黃金周嘅最後一日，羅淑佩話今年五一嘅訪港旅客，不論來自內地定外國增幅都十分可觀。佢相信，尖沙咀一帶維港景色一定吸引好多遊客，但指出維港呢塊瑰寶又豈止得一個觀賞角度，推介大家出去發掘香港之美。
▼防曬｜甚麼是SPF及PA+++▼
【立即參加】送Rollink全球最輕薄可摺疊手提行李箱🧳！
