葉劉新書加印版出爐，解鎖16張美照
新民黨主席葉劉淑儀今年書展推出新書《葉劉淑儀服務香港50年》，由於全城熱賣，火速售罄，書商要急急腳加印。加印版終於出爐！葉劉仲好有誠意，附送嘅相集係同初版唔同㗎！
葉劉在封面「派心」
加印版封面上寫住「全城熱賣，火速加印！隨書附送葉太革新版相片集。解鎖16張美照」。相片集封面係葉劉做出「心心」手勢，相信係專程揀嚟向讀者「派心」，答謝大家支持。相片集入面多數都係旗袍造型，係葉劉喺唔同節日影嘅靚相。
至於本書嘅內容簡介，講述葉劉50年嚟走過高山低谷，遇過荊棘滿途，身處大時代、遭遇逆境從不退縮，倡議政策從不含糊。由推動《基本法》第23條立法失敗，到《維護國家安全條例》獲全票通過；20年前超前提出香港應該行創科轉型、倡議分拆運房局、提出「限奶令」，到近年最早提出派「消費券」同「雪卵」津貼；再到今日矢志推動民間外交，連續兩年成功主辦「全球繁榮峰會」，形容葉劉行嘅每一步都比香港更前。而透過葉劉對香港以及國際大事嘅精闢分析，可以讀到佢始終如一嘅個性同立場，更能讀懂──葉太與世界交織嘅50年。
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
