有中學生好心做壞事扶起為防風而倒下的巴士站牌，及後知悉真相並在網上道歉。(Threads圖片、資料圖片)
超強颱風樺加沙襲港前夕，巴士公司都有做好防風措施，包括固定巴士站或將巴士站牌放在地上，以免被強風吹倒後砸傷途人。小西灣有中學生就好心做壞事，單純以為站牌是意外倒下，遂把站牌扶正並幽默地在社交平台戲稱「執到個巴士站牌，$50放」，未料不少網民留言解釋這是防風措施。他事後虛心認錯，「小弟無知，誠心同各位講對唔住」，獲網民讚揚他知錯能改。
知情者：特登瞓低你又攞返起
天文台周一中午因應樺加沙而發出一號戒備信號，社會各界都嚴陣以待。其中巴士公司都把街上未有固定的站牌橫放在地上，以免被吹跌時釀成意外。小西灣一名男中學生行經一個巴士站時，以為一支九巴站柱意外跌在地上，「純粹以為個牌係跌咗」，於是便好心地扶起它，「我因為見到對面啲巴士站牌冇擺喺地下，就以為係個牌冧咗，先至執起佢」。做好事的同時，他亦不忘在社交平台打趣道「執到個巴士站牌，$50放」。
可是，隨後有很多知情網民在帖文留言，解釋這是巴士公司刻意而為之，「站務部專登整底(低)個站牌」、「特登瞓低佢你又攞返起」、「我地(哋)好辛苦咁四圍將啲站牌放低，防止拍到人，你整返高佢係想搞×我地定係想幫手陪(賠)錢？」該學生得知真相後隨即主動公開認錯，「小弟無知，誠心同各位講對唔住」、「對唔住，我真心唔知……以為佢純粹係冧咗。」他及後補充，事後已見到該站牌被人放回地上。
網民倡巴士公司多解說做法
有網民都欣賞該學生勇於認錯的態度，「同學仔幫手扶返正，係好心嘅，不過唔小心做咗壞事，但請唔好因為今次誤會而氣餒」、「知錯能改，有前途」。亦有人覺得巴士公司可向社會多作解說，「其實可以考慮公司教育大眾點解啲牌需要訓低，而唔係想搞×你哋嘅」、「我覺得可以教到人打風要放落黎(嚟)，就幾好，我都係睇到依個post先學識。」
▼網民留言逐格睇▼
ADVERTISEMENT
立即更新/下載AM730手機APP 體驗升級功能
