港鐵金鐘站荃灣綫月台仍有不少乘客等待列車(郭志仁Threads)
超強颱風樺加沙襲港，天文台今日（24日）凌晨發出10號風球。商業電台主持郭志仁在社交平台發布相片，相中可見樺加沙襲港下，港鐵金鐘站荃灣綫月台仍有不少乘客等待列車，以及車廂內仍有不少乘客。郭志仁表示，「打風好多人係假期，對佢哋就係責任。多謝大家頂住，最緊要人人都安全。」
網民：最緊要返工安全
網民紛紛留言祝福仍要上班的「打工仔」，「今朝要返工嘅大家，辛苦哂！要平安呀！」、「對打風下仍然堅守崗位的人士致12萬分敬意，辛苦你地了」、「辛苦晒各路英雄，打咁大風，路路平安呀！」、「各位平安順利」、「Salute to MTR」。
另外有網民認為，「希望10號風球要人返工嘅公司，對員工好啲，唔好為咗個颱風斤斤計較俾唔俾補水人哋，人哋真係搵命博，請好好善待員工。」亦有從事酒店業的網民表示，「好彩今日公司有房俾員工訓！」
ADVERTISEMENT
立即更新/下載AM730手機APP 體驗升級功能
