政府女局長齊抽杯麵造型全運會項目公仔盲盒。
熱帶氣旋「塔巴」襲港期間，唔少市民留喺屋企可能會食杯麵就當一餐。一向有下廚習慣嘅文化體育及旅遊局局長羅淑佩，今日就喺社交平台上載咗唔同女局長手持「杯麵」嘅相，莫非佢哋打風都係捱杯麵？
「主場出擊」系列盲盒共有6款
非也，7名女局長同特首辦主任手持嘅「杯麵」，實際上係全運會項目掛飾盲盒。羅淑佩話，佢哋幾位女將都一齊響應支持全運會同殘特奧會，齊齊抽全運項目掛飾盲盒。「主場出擊」系列盲盒一共有6款，全部都係香港賽區承辦嘅項目公仔，包括男子22歲以下籃球、高爾夫球、沙灘排球、七人欖球，以及隱藏款式劍擊同場地單車。
從羅淑佩發布嘅相片可見，發展局局長甯漢豪、房屋局局長何永賢抽中籃球，公務員事務局局長楊何蓓茵、民政及青年事務局局長麥美娟同羅淑佩就抽到沙灘排球，運輸及物流局局長陳美寶、教育局局長蔡若蓮抽中欖球，特首辦主任葉文娟就抽到高爾夫球。至於杯麵造型嘅盲盒，出面就印有「主場出擊」同「香港好叻」口號。
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
