張宇人指有朋友患心臟病，醫生早晚巡房收取30萬元
政府建議立法提高私營醫療服務收費透明度，自由黨立法會議員張宇人質疑私家醫生巡房機制，話有患心臟病嘅朋友，住院期間醫生每日早晚巡房，最後收咗30萬。
立法會衞生事務委員會今日討論措施，張宇人發言嗰陣話「我親身經歷就係，有4、5個唔同專科嘅醫生，我嘅朋友係心臟病，每日都巡兩次房、早晚巡，一千幾蚊一次，到我出聲嘅時候佢哋就停止，不過都收咗30萬。」
盧寵茂指病人有權決定
醫務衞生局局長盧寵茂回應話，係視乎病人需要，例如有啲病人同時患上唔同疾病，需要幾個專科醫生巡房。不過，佢話呢個情況係需要病人或者家屬同意，唔係醫生決定派幾多個嚟巡房。張宇人就插口話「冇同意，喺佢入院嗰陣冇問」。盧寵茂就話病人有權決定要唔要多個醫生嚟巡房睇症。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
