工人姐姐要求提早完約回鄉結婚 僱主憂情騙 始揭姐姐原來極有米！
不少港人都有請外傭姐姐幫忙照顧家中大小事，不過要找到合適又相處到的工人姐姐實在不易，因此遇到的話都會想對方一直續約。早前，一位網民就在社交平台上發文，指在家中工作多年的工人姐姐突然想提早完約，回鄉結婚，身為僱主的她擔心姐姐遭受情騙，沒料到姐姐真身原來極有米！
圖片來源：TVB《愛·回家之開心速遞》劇照
行事作風似足大小姐 突要求提早完約回鄉結婚
早前一位網民在社交平台發文，劈頭直指「話說我姐姐做咗幾年，突然話要早完約飛返印尼結婚」，由於一直未有聽聞姐姐有拍拖，加上姐姐是「天真愛笑既2x歲女仔，但做野似大小姐」，令身為僱主的她十分擔心。
圖片來源：Threads
僱主憂情騙 始揭姐姐原來極有米
她表示，姐姐有開心share未婚夫的照片，「好靚仔又著機師衫」，令她不禁擔心姐姐「網戀比人呃」，惟姐姐就信心十足地表示「個男仔大過佢，由學生期間每個月已經比三千蚊佢，如果佢返印尼生仔會加碼到六千蚊」，更發現姐姐原來在印尼大富大貴，「唔好話樓，人地已經有農場、咖啡豆園同可可豆田等」。
圖片來源：TVB《愛·回家之開心速遞》劇照
網民爆笑留言：原來只係嚟working holiday
得悉工人姐姐與其未婚夫都大有來頭，發文者不禁表示「即刻叫佢立刻原地結婚啦，好男人嚟」，又感慨姐姐「原來只是來體驗人生」。大批網民亦留言熱議，有網民直言「好多工人姐姐都好有錢」、「我以前個工人姐姐都係有錢女嚟，平時買餸都話唔使claim錢」、「Mum，你哋生活已經好攰，呢餐我請啦」、「有時真係唔好睇少啲姐姐」、「我曾經請過一個姐姐，第一日到步係拎住部iPad mini，當年剛出一年左右，之後英文勁好，Ielts有7分以上」，更有人笑稱「原來姐姐係嚟working holiday」。
