網上熱話｜阿叔M記買麥旋風鬧笑話！講錯要1物令港女爆笑 網民：聽得明都起碼30歲
麥當勞M記不時都推出新品，但傳統食品如麥樂雞、脆香雞翼、雪糕新地等仍然有大批粉絲。早前一位港女在M記點餐時，就遇到一位大叔用中氣十足的語氣，向店員落單，原意想食麥旋風的他就頻頻講錯要1物，引起大批網民爆笑。
圖片來源：麥當勞APP
港女M記遇搞笑大叔 買麥旋風鬧笑話
早前，一位港女在社交平台上發文稱自己本想去「去麥記買chiikawa 餐」，選擇用自助點單的她「撳緊部機揀緊野食時」、「後面有個阿叔去櫃枱同職員買野食」，而該阿叔在點餐尾聲突然「好有中氣」地表示「仲有，要黑旋風！」，令港女笑到停唔到。
圖片來源：Threads
店員反應淡定
發文者引述大叔與店員的對話，當大叔表示要「黑旋風」時，店員淡定回應「啊，麥旋風呀」，而當大叔再次問「黑旋風係咩味？」，店員仍然保持冷靜「麥旋風係曲奇嘅」，大叔滿意道「咁就好，我唔想黑旋風係士多啤梨味」。店員整個過程「全程冇笑過」，表現淡定。
圖片來源：麥當勞APP
圖片來源：電視廣告
網民爆笑：聽得明都起碼30歲
發文者於文末猜測店員之所以如此淡定，「係咪年中唔少人講黑旋風，啲職員聽到慣晒」，而帖文亦引來大批網民爆笑回應，有網民指「有冇可能個職員唔明黑旋風所以唔笑」、「應該年紀太細未聽過」，亦有網民引述廣告對白，「黑旋風夠曬威、黑旋風的確好駛」、「黑旋風呢個套餐係配愛膚堅」，更有人揚言「在座各位全部都30+」。
ADVERTISEMENT
😋請你嘆香港迪士尼20周年下午茶👇立即登記👇
