網上熱話｜打風飛來橫財 廣州男窗戶出現港幣廿蚊紙 黃竹坑驚見$1,100！
樺加沙來襲，不少地方都遭受橫風橫雨影響，香港市民更獲得1日半的颱風假。相信大部分市民打風都留在家中，打牌、打邊爐、瞓覺、煲劇等直落。不過，一位身處廣州的男網民在安守家中時，竟獲樺加沙送錢送到上門，搞笑影片更引來網民爆笑回應。
圖片來源：電影《歲月神偷》劇照
廣州男飛來橫財
樺加沙強勢登陸，除了香港之外，台灣、深圳等地亦深受影響，大部分市民只能夠留在家中或安全地方，靜待風暴慢慢過去。不過，一位身處廣州的男網民就在颱風期間飛來橫財，只因有一張港幣廿蚊紙直接飛到他的窗戶，仲要痴到實一實點都吹唔走！
圖片來源：小紅書
疑由香港遠道到廣州 事主反應爆笑
從他上傳的影片中，可見一張港幣廿蚊紙緊緊貼在窗戶外，就算外面橫風橫雨都吹唔走，緊緊貼在窗戶上，片尾更在窗門上「拍下拍下」，貌似好想入屋！因為「橫財」是港幣，事主就搞笑指「香港吹過來的？」、「樺加沙給的錢撿不撿」。
網民因1事呻可惜
有趣影片引來網民關注，有網民表示「你的錢真是大風刮來的」、「大風真的能刮來錢」，又笑稱是樺加沙給予的「20蚊賠償金」。有網民更爆笑指「好可惜」，只因紙幣貼在窗戶外「拿不到」、「可惜看得到不一定拿得到」、「心有錢而力不足」。
黃竹坑驚見$1,100
另外，香港亦有人在threads上貼文，指打風時身處重災區的黃竹坑，並附上圖片，見到窗戶竟有$1,000港幣及$100港幣各一張，樓主強調：「唔好懷疑我嘅錢真係大風颳嚟嘅😂」，引來近日人氣急升的葉蒨文留言問，「你住喺邊？ 隔離附近單位有冇放租？」不過有人認為他是搏流量。
ADVERTISEMENT
立即更新/下載AM730手機APP 體驗升級功能
