NBA｜居里（Stephen Curry）主動睇酸民留言 刺激下半場大翻身
金州勇士巨星史堤芬居里（Stephen Curry）素來射波超準，但最鋒利嘅刀都有失手嘅一日，咖喱有時上半場都會未有局，手感冰冷。
近日咖喱妹（Sydel Curry）及其老公李爾（Damion Lee）做清談節目，大爆咖喱原來有個習慣，會在比賽半場時間上社交平台X主動搜尋酸民留言以激勵自己。
居里妹夫李爾說：「佢會喺半場打自己個名，然後就見到啲留言話『Stephen Curry點點點』之類，佢會望一兩分鐘，掃一掃，再收起部手機，落場下一節就爆發。」
咖喱妹補充，後來甚至有啲人故意寫黑評嚟「餵火」居里。對居里而言，呢個策略效果唔錯。
居里曾上半場0分 下半場怒轟33分
事實上，居里係生涯之中，不止一次在上半場慢熱後下半場反撲。最經典例子係2019年西岸準決賽第6戰對侯斯頓火箭，佢上半場0分收場，但下半場狂轟33分，助勇士以118:113贏波晉級。
李爾當時雖然係勇士一員，但無參與季後賽，勇士最後在NBA總決賽不敵多倫多速龍。之後幾年李爾角色漸重，最終喺2022年同居里一齊攞到總冠軍。
原文刊登於 Yahoo 體育
李爾（Damion Lee）曾是勇士一員，最終在2022年與居里（Stephen Curry）獲NBA總冠軍。
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
