八達通夥快圖美新搞作 自訂實體卡面 最快3日有得拎 最啱遊客做手信
八達通夥快圖美新搞作 自訂實體卡面 最快3日有得拎 最啱遊客做手信
外國嘅交通IC卡都不時會推出特別版卡面嚟吸引用戶甚至遊客，最新連八達通都有類似搞作！八達通夥拍快圖美Fotomax推出「MyStyle八達通卡」定製實體八達通卡面服務。即日起用戶可透過上載心愛相片，自定卡面設計，配合快圖美的專業印刷技術及DNP打印設備，印製成獨一無二嘅專屬八達通卡。
「MyStyle八達通卡」成人版賣128港元(不設按金及儲值額)。大家只要喺八達通官網進入「MyStyle八達通卡」專頁，即可連結去快圖美網站，上載符合規格嘅照片並完成定製，就可以揀喺快圖美門市領取，或者本地郵寄服務。
呢項服務特別適合來港旅遊嘅遊客，事關喺旅程期間拍攝紀念照片，再上載進行定製，最快3天便可領取，炮製獨一無二嘅香港紀念手信！
門市體驗：全新沉浸式攝影體驗館「FUJIFILM House of Photography」已於南豐紗廠(The Mills)開幕，用戶可即場體驗從拍攝、圖像處理到即時印刷製作，一站式完成其專屬八達通卡。(地址：荃灣白田壩街45號南豐紗廠2樓201-202號舖)