iPhone 17首賣日
iPhone已經出到第17代，我這個果農還是第一次去訂。
我使用了超過10年的iPhone 6以及iPhone 13，當年都是上台簽約後購得，至今依然冇穿冇爛，運作正常，我實在沒有動機去更新。只是跟著官方不時更新OS，然後間中換一個殼，屏幕貼爆了之後換一個貼，僅此而已。
今年912我生日的當天，蘋果正式開放iPhone 17預訂。我也沒有想為自己訂一部。反而受一位朋友所託，想買港版的iPhone 17 Pro Max 512宇宙橙，我於是硬着頭皮，第一次上蘋果官網預訂一部。
當天朋友在東京同我慶生之後，日本時間夜晚11點，香港時間10點，香港蘋果官網開放預訂，想不到很順利，只是等了5分鐘，就進入官方網站，搞掂！
一周之後，9月20日我去尖沙咀蘋果店取機，原本以為首賣日會很長龍，因為我自己做SONY時做過很多場首賣，有人龍是店家所期，代表有人氣。想不到蘋果安排不同，預約人士可以直入店內，目測蘋果店每層Genius Bar開了最少40個櫃枱，一個genius左右開弓，同時招呼兩個預約客人，每層同時可以招呼80位客人，兩層就超過100位客人，只是排了5分鐘就排到我了。Genius掃了我的二維碼，兩分鐘後就有另外一個員工將我訂的iPhone送到面前，對一對號碼就交給我，行得！整個過程不超過10分鐘，意想不到的順利快捷。這個出機效率，無出其右，也超越其他品牌的飢餓營銷。看來Tim Cook已經不需要飢餓營銷了！