保守變王道
西班牙籍領隊暫時係英超大戶，共有4人。之前畢爾包名帥華維迪向阿仙奴笠高帽，話如果對方喺西甲，可以連贏10屆聯賽冠軍，仲話喺西班牙成功係建基防守；而阿仙奴主帥達sir嘅師傅哥迪奧拿，紆尊降貴，領先更極罕有「泊大巴」求保住3分，情況極為罕見。
阿仙奴連續兩場先排出毫無創造性嘅3中場陣式，再靠小天馬後備出場大爆發；要留意伊比爾治伊斯初現身，踢中場中，先露第一張王牌，西班牙人喺長途賽留有一手，暫時最唔想見嘅係失波。曼城大戰前俾對方少休息兩日，前線得返一位健康正前鋒；只見哥帥經歷上屆後防缺堤嘅教訓，睇得出名帥轉念，重金邀意大利鋼門，超級防中洛迪回歸，也可保守求勝。只見半場昅到阿仙奴換入沙卡同伊斯，隨後出返場嘅曼城，即刻換走左閘古辛洛夫，急急換入馬迪奧斯紐尼斯出場對付沙卡；之後狠到全部前鋒換走晒，死守求保3分，保守程度前所未有。師傅抄返徒弟，但如今兩隊俾利記放甩，防守係咪變返英超王道，長路漫漫，三雄有排鬥。