唔開心其實有冇樣睇？（資料圖片）
唔知讀者有冇聽過一個故事。城入面一個男人去見醫生，話自己好唔開心，生活好難過。醫生就話，城入邊有一個好出名嘅小丑，大家睇完佢既表演，都會哈哈大笑好開心。佢建議男人去睇下小丑既表演，可能就會開心返。
然後個男人就話：「我就係嗰個會表演既小丑。」
▼抑鬱症症狀▼
唔開心徵狀︰講笑話都冇反應
一個人唔開心，有時好容易就睇得出。如果女朋友嘟起個嘴，鼓起個腮，同佢講笑話都冇反應，咁高達8成係嬲緊，可能你就要諗下方法哄返佢開心。但如果一個人，成日上載開心既聚會相，有啲又會講下笑哄下大家開心。咁你會唔會覺得佢唔開心呢？我諗，上面的故事已經提供左答案。
近幾年不時發生名人輕生的新聞，睇佢地既社交網站，好多時都係開心既相，誰料到竟然突然之間就走上絕路。只能說，唔開心可以有樣睇，但有時都冇咁易睇得出。笑容背後，可能暗藏難過。
留意「放負」跡象 主動關心對方
為大家帶來歡樂的人，可能自己並不快樂。但既然唔開心有時冇樣睇，咁可以點樣察覺到對方 唔開心？ 一個人唔開心，或多或少會有跡象，例如會突然嘆氣、在社交網站放負，又或者向人訴苦。尤 其是如果見到一個平時開朗的人，突然有好多負面想法，又或者一個平時愛好社交的人突然 變得沉默寡言甚至繭居，那就要多加留意，因為呢啲可能都係求救信號。
如果見到朋友突然出現負面轉變，願意既話，可以主動關心和問候一下對方，睇吓自己有冇地方幫到手。記得要耐心聆聽，想像一下，自己唔開心既時候想人地點支持你，你可以考慮用同樣既方法去安慰人地