黃嘉樂、江嘉敏等昨日出席《好醫生》(第三季)記者會，眾人穿上白袍扮醫生，嘉樂曾在《白色強人》演腦神經外科顧問，在記者會上一度拿江嘉敏開玩笑︰「你要俾我醫，因為你冇腦。」令全場笑爆。
江嘉敏事後表示沒有嬲，加上二人合作數次已經很熟，開玩笑沒問題。她說︰「佢係前輩，佢又做過我3次男朋友，開玩笑係OK，如果唔係我都打佢。我係幾玩得，熟嘅話都OK，但都有底線，涉及身邊啲朋友同屋企人就唔OK，我會反擊。」提到試完造型都未能參與《今宵大廈2》拍攝，她直言很可惜︰「因為《七公主》仲未拍完！《今宵大廈2》9月1、2號已經開工，今日是9月29啦，我響《七公主》嘅戲份仲未完成，兩劇角色造型其實差距好大，所以就做唔嚟，其實演唔到《今宵大廈2》都幾失望。」
嘉樂唔怕莊思明呷醋
黃嘉樂在新劇《我家無難事》與楊明有不少對手戲，更與對方有段「HeHe」戀。他表示未知有沒有親熱戲，但已拍完嗌交鬧分手的戲份。問到怕不怕莊思明呷醋，他反指擔心自己的女友呷醋。