名人玩VR 嚇到依哇鬼叫

最近除咗興玩小精靈之外，仲開始吹起玩VR風，噚日Sony Interactive Entertainment Hong Kong (SIEH)就發放最新PS VR試玩影片，佢哋搵咗合共12位本港藝人、名人與網絡紅人齊齊瘋狂試玩。部分人仲玩到忍唔住大嗌㖭！好似海洋公園前主席盛智文咁，佢首先進入最熟悉的海洋世界，試玩探索海洋世界的《The Deep》，期間忍唔住話以為自己喺海洋公園！語言專家「Ben Sir」歐陽偉豪本來好淡定，點知玩到《Until Dawn: Rush of Blood》其中一段坐過山車場景時，就忍唔住大嗌，仲大呼離心力十足。其餘接受品牌邀請嘅仲有營銷作家徐緣，藝人就有曾江、周柏豪、徐錦江、孫慧雪、鄭希怡、侯煥玲(Suzy)、張松枝。網絡紅人就包括達哥與杜小喬。PS VR要到10月13日先會正式在香港推出，建議零售價為3,180元，而今日開幕的香港動漫電玩節就有得試玩，大家夠唔夠胆呢？

Ray~投身傳媒工作多年，由市場研究做起，一直與公關、廣告、新聞界結下不解緣，心境永遠青春。