何超蓮與竇驍結婚一年傳婚變 親回傳聞坦言未有考慮生B
已故賭王何鴻燊三房千金何超蓮，上年4月與拍拖4年內地男星竇驍喺印尼峇里島舉行世紀婚禮，正式拉埋天窗。唔經唔覺佢哋已經結婚一年，但近日有傳出二人婚變，而日前何超蓮就親自回應有關傳聞。
近日有傳出何超蓮與竇驍婚變，有指二人因工作關係聚少離多，同時亦有指二人係財政管理上出現分歧。
每日都會視頻或電話聯絡
日前超蓮喺台灣宣傳自家牛肉麵品牌活動，期間就被傳媒問及有關婚變嘅傳聞，超蓮就表示二人工作繁忙，被問到二人有幾耐冇見時，超蓮就話唔係好耐。
雖然佢哋各自為工作忙碌，不過每日都會視頻或電話聯絡，分享一下工作方面嘅事情。之後再被問到「造人計劃」時，超蓮坦言未有考慮生BB，一切隨緣而定。
原文刊登於 Yahoo 娛樂圈
