方力申再為「上海商業．博愛單車百萬行2024」擔任活動大使，前「亞洲車神」黃金寶亦有出席活動。(陳奕釗攝)
方力申、尹光及Coffee林芊妤等今早(17日)出席「上海商業．博愛單車百萬行2024」活動，已第二年為活動擔任大使的小方透露，近年保持練水習慣，可惜體重反而上升了不少，「每星期都有幾日練水，疫情開始已經keep住練。其實有研究講過，如果唔控制飲食，練幾多都冇用，農曆新年朋友送咗起碼十底糕俾我，我每底都試吓，想唔重都難啦。」
除了方力申，Coffee林芊妤亦現身活動。(陳奕釗攝)
結婚與否順其自然
談及其女友Maple葉萱，問小方可會打算如他早前所講，在3年內結婚，他表示：「我當時講完，俾阿媽鬧，話我講呢啲做咩呢！一係就直接做啦！」至於Maple的反應，他笑言：「冇反應啊！可能佢都知我係亂講嘢啦！不過我每次拍拖都係好認真嘅！至於最後會點，就順其自然喇！」
即睇「上海商業．博愛單車百萬行2024」活動盛況
