Ray Online｜狄志遠詢問天文台接獲目擊UFO報告　促政府交代應對措施「係咪要射佢落嚟？」

到底不明飛行物體(UFO)存唔存在呢？非建制派立法會議員狄志遠向立法會特別財務委員會提交書面提問，天文台交代嚿年接獲7宗市民目擊UFO嘅報告。狄志遠就話要跟進吓，問政府應對措施，例如「係咪要射佢落嚟？」

狄志遠：係咪要射佢落嚟？

狄志遠話之前一路都係由泛民主派提交呢項書面提問，要求交代每年目擊UFO嘅報告，今年天文團體就請佢幫手跟進數字。狄志遠話好好奇到底政府取態係咩，覺得有冇UFO嘅存在？佢又講到而家有接獲目擊UFO報告，到底係真實存在，定係市民虛報等等呢？政府又要點樣跟進，都要進一步了解。