「全紅嬋瘦了」變熱搜詞 貼訓練照證明修身成功？
中國女子跳水隊金牌選手全紅嬋，去年巴黎奧運衛冕女子十米高台跳水金牌，僅以17歲之齡就成為中國隊奪得三項金牌嘅最年輕選手，打破跳水皇后伏明霞紀錄。不過今年全紅嬋因腳腕舊傷復發以及腰部勞損，早前宣布退出5月下旬全國跳水冠軍賽及新加坡游泳世錦賽。全紅嬋近期終於「復操」，同樣來自廣東隊的師兄、男子跳水運動員陳艾森，日前post出訓練嘅影片。片中嘅全紅嬋似乎身型比前圓潤，做捲腹訓練嘅時候更加完成唔到，需要坐喺地下回氣。有網民睇見擔心全紅嬋狀態，能否重回奧運摘金時嘅巔峰，尤其是而家全紅嬋步入青春期，身型體重都唔容易保持。
全紅嬋罕有微博分享近照
相隔2星期，全紅嬋少有地在微博分享自拍照，更表明是「剛剛」同「累」，似乎是完成訓練的近照。相中全紅嬋面尖尖，加上背影照所見身型比早前消瘦唔少，似乎清減唔少。貴為國家級金牌運動員，「全紅嬋瘦了」更成為內地網路熱搜話題，可想而知大家幾關心「嬋寶」身型！
曾經奪得多項跳水錦標嘅「中國跳水女王」高敏，拍片回應外界對全紅嬋嘅評論，強調過去幾年全紅嬋有嚴格控制體重，「要知道她從東京奧運會結束，到巴黎奧運會這3年的周期裡，一直把自己的體重控制得非常好，可以想像她對自己有多麼苛刻」，並指出直到巴黎奧運結束，全紅嬋先「放飛自我」，體重才漲了起來。高敏認為比起減磅，全紅嬋要衝破心理關口更難，除唔想令粉絲失望，而且更要面臨更多「無名小輩的追逐」。
原文刊登於 Yahoo 娛樂圈
ADVERTISEMENT
