![伍允龍現身新城廣播接受訪問。](https://cdn.am730.com.hk/s3fs-public/styles/article_image/public/2024-05/%E4%BC%8D%E5%85%81%E9%BE%8D%283%29_0.jpg?itok=VseNtaJk)
伍允龍現身新城廣播接受訪問。
伍允龍(Philip)在電影《九龍城寨之圍城》中演活大反派「王九」而人氣急升,他日前(21日)到新城廣播接受《QK玉瑛室》主持譚玉瑛、何基佑及麥皓兒訪問,Philip帶同由美國返港的媽媽現身,順道帶媽媽參觀電台,母子感情十分深厚。
![伍允龍帶媽媽到新城廣播參觀。](https://cdn.am730.com.hk/s3fs-public/styles/article_image/public/2024-05/%E4%BC%8D%E5%85%81%E9%BE%8D%E8%88%87%E5%AA%BD%E5%AA%BD.jpg?itok=OHtXuZTA)
伍允龍帶媽媽到新城廣播參觀。
跟Philip認識十多年的何基佑,透露好友因電影《九龍城寨之圍城》熱潮忙得不可開交,何基佑問他這幾個星期忙得天昏地暗有何感受?Philip表示:「我同城寨都好有緣份,我之前拍過電視劇《城寨英雄》,反應好好。今次拍電影又好好,真係好快感覺到個分別。個分別就係好多人搵我,感謝主,好開心!雖然要兼顧好多唔同嘅嘢,但做藝人都係想咁樣啫。」
![Ad Block](/assets/v2/img/ui/代替網上廣告_300_250px.jpg)
![左起︰何基佑、譚玉瑛、伍允龍、麥皓兒](https://cdn.am730.com.hk/s3fs-public/styles/article_image/public/2024-05/%E5%B7%A6%E8%B5%B7_%E4%BD%95%E5%9F%BA%E4%BD%91%E3%80%81%E8%AD%9A%E7%8E%89%E7%91%9B%E3%80%81%E4%BC%8D%E5%85%81%E9%BE%8D%E3%80%81%E9%BA%A5%E7%9A%93%E5%85%92.jpg?itok=JmLCMQeV)
左起︰何基佑、譚玉瑛、伍允龍、麥皓兒
Philip於7歲跟家人移民到美國,爸爸在當地開武館,所以他自小就接觸功夫,但真正深入研究功夫是13歲,Philip表示:「因為當年我畀一個外籍小朋友一拳打落心口,打到瞓喺到,嗰時覺得自己練功夫咁多年,點解會唔打得?原來細個學功夫比較皮毛,之後我就開始深入研究中國搏擊,利用呢個技術去保護自己。」沒想到因而為自己鋪下入行做動作演員和導演的機會。
![伍允龍真正深入研究功夫是13歲。](https://cdn.am730.com.hk/s3fs-public/styles/article_image/public/2024-05/%E4%BC%8D%E5%85%81%E9%BE%8D%281%29.jpg?itok=Mmk9tk-q)
伍允龍真正深入研究功夫是13歲。
Philip指外國人很喜歡看功夫片,覺得成龍很有型,所以他小時候有個幻想:「如果有日可以喺銀幕上打功夫就好喇,不過都係諗吓,唔敢太認真;嗰時喺美國冇乜娛樂,屋企人會租錄影帶返屋企睇,好記得我睇到《醉拳》盒帶花晒,嗰部戲影響我最深,成日會諗『如果有機會喺香港畀成龍打一鎚就好喇』!」引來哄堂大笑。
![Ad Block](/assets/v2/img/ui/代替網上廣告_300_250px.jpg)
![伍允龍表示小時候到《醉拳》盒帶花晒。](https://cdn.am730.com.hk/s3fs-public/styles/article_image/public/2024-05/unnamed_0.jpg?itok=gzXZ9Rm5)
伍允龍表示小時候到《醉拳》盒帶花晒。
視成龍為動作片偶像的Philip,每次拍動作片都必定硬橋硬馬使出真功夫,他大爆拍《九龍城寨之圍城》與林峯拍追打戲份時曾弄傷大髀,「嗰日拍我喺城寨冷巷跑嚟跑去,我跳過三級樓梯,一落地聽到『卟』一聲,原來大髀肌肉撒裂咗,最後休息咗一星期,但一返去拍果爛追林峯的戲份,拍咗成晚又傷過。」
Philip和林峯為電影同樣是拼命三郎,更因為這部電影而成為好兄弟,「我同阿峯識咗好多年,但未正式合作過,今次就真係同佢變咗兄弟,拍呢類型戲同打一場仗冇分別,一齊經過一個咁辛苦的經驗,一cut機大家就好照顧對方,變成咗戰友。」
![《九龍城寨之圍城》令伍允龍人氣急升。](https://cdn.am730.com.hk/s3fs-public/styles/article_image/public/2024-05/71e9612b116a4b85a87563b36608d470noop_83020062663459010fb68.jpeg?itok=BQ1q38iI)
《九龍城寨之圍城》令伍允龍人氣急升。