吳奇隆自2015年同內地女星劉詩詩結婚後,工作重心移至大陸,加上開公司做老闆,身價高達17億台幣(約4.4億港元),近日有傳佢擔心大陸霧霾嚴重影響健康,決定番台灣買樓,仲一擲近2億台幣(約5,220萬港元),一次過買4戶豪宅,其中1戶係佢自己同老婆住,另外3戶分別送給爸爸、哥哥同弟弟,認真大手筆!
吳奇隆係台灣新莊人,所以決定新莊「京雅苑」買4戶合共400多坪嘅豪宅,分別位於9及12樓。
不過吳奇隆最近傳出長期用眼過度,可能有失明危機,雖然檢查後發現仲未嚴重到致盲程度,但佢都決定2018年開始減產,將重心轉去做投資,但兩夫妻都未諗住馬上番台灣定居。