Edan請來世界排名冠軍的香港劍擊運動員蔡俊彥做嘉賓。（林俊源攝)
MIRROR成員呂爵安(Edan)一連三場《EDAN LUI "e to E" LIVE 2025》於今晚(18日)於亞博Arena舉行尾場，Edan繼續傳揚「祓教」，祓經亦每晚修改 頭場談到人會變月會圓時，取笑阿Jer面㘣，今間則笑指「MIRROR約都就快完，完咗可以續架嘛！」另外，最尾送符由「對你太在符」，變成「愛你愛到冇晒符」再變成第三晚「有朋自遠方來不亦樂符」。
第三場星級觀眾及花絮：
請來大學室友兼世界排名冠軍的香港劍擊運動員蔡俊彥，化身「劍神」大師，Edan請Ryan教授防狼劍法，但Ryan反問；「我未自我介紹！」 他自我介紹：「我係HKU的BBA，由year 1讀到Year 10！」Edan指Ryan是世界第一，但Ryan大爆原擔任第二場嘉賓，臨時改為尾場 ，網上要求今晚嘉賓是MIRROR或周興哲，自己唱歌不是世一，故壓力甚大。接著Edan學Ryan的招牌打劍動作。Edan解釋請Ryan的原因，特別強調「講明先，請佢係世界第一之前，一陣啲人話我黐金糠，真係關你諗事！」他續指在未決定請誰時，Ryan問他買演唱會門票，想起對方唱歌好聽，就決定作出邀請。不過Ryan一臉嚴肅質問：「你話Anson Lo係你Best Friend，咁我係？」Edan被殺過措手不及，答道，「你係best buddy。」Ryan話好兄弟都收貨，兩人合唱周杰倫《安靜》，原來Ryan是唱得之一，贏得不少掌聲。
在Talk環節後，Edan在熊Bear Bear陪伴唱歌後，他表示覺得自己都進步了，「你哋擔心我走音，我自己都擔心！上次好緊張，今次自在咗，好似屋企開party。」
第二位嘉賓是Edan胞妹「小如豬」，他介紹「小如豬」出場時，形容認識她已久，但第一次同台合作，小如豬穿著藍色短裙登場 兩兄妹合唱《漸漸我們》後，Edan自爆邀請小如豬做嘉賓時，多次被無情拒絕，他表示花了不少時間發動攻勢，才勸服阿妹答應。Edan又爆妹妹超緊張，為演出節食減肥，又拉著他練歌排舞，笑言比他更勤力，他認真表示，「可以同阿妹同台表演，達成咗人生一個小心願。」他恭喜大家能見證這時刻，「好感恩有呢個妹妹陪住我，呢佢年紀細我8年，呢一年一直支持鼓勵我，做我嘅心靈雞湯，俾情緒價值我，我都唔知點解可以有咁完美咁好嘅妹妹，又孝順又乖讀書又叻，唱歌好跳舞又勁，我真係可以退休。佢第一次接Job，將啲錢分三份俾我同阿爸阿媽，我出道7年都未試過。」接著他即時公開搲撈，呼籲可找兩兄妹合作，然後一齊跳唱「妹豬歌」《三分甜》，唱畢，兩兄妹緊緊抱，他又爆阿妺太緊張不敢solo，請best兄弟蔡俊彥出來獨唱《親愛的仇人》，唱得非常專業，猶如出道歌手 。
最後encore再唱三首歌《我們都是別人口中的壞人》、《我以為可以》、《突如其來的心跳感覺》，於晚上11時53分完結。
小如豬驚喜上台表演：
立即更新/下載AM730手機APP 體驗升級功能
