呂爵安Edan完成3 場個人演唱會。(林俊源攝)
MIRROR成員呂爵安(Edan)一連三場《EDAN LUI "e to E" LIVE 2025》於今晚(18日)於亞博Arena舉行尾場，Edan完騷後接受訪問，談到兩度encore最後送上《我們都是別人口中的壞人》、《我以為可以》、《突如其來的心跳感覺》3首歌，Edan表示沒預會再有encore，不想讓歌迷失望，結果唱至11時53分才完場。網上有傳林明禎現身場內，Edan直認有請林明禎睇騷，對方今晚亦有捧場，但剛完騷未有問她對演出的意見。
爆蔡俊彥唱K練歌
談到昨晚請來蔡俊彥(Ryan)擔任嘉賓，兩人合唱周杰倫的《安靜》後，Ryan在Edan與小如豬合唱後，再獨唱陳柏宇的《親愛的仇人》，歌聲動人，贏得不少掌聲，Edan笑言：「佢真係唱得好咗好鬼多，以前一定入難聽歌手俱樂部，但佢真係好鍾意唱，但你聽會覺得佢唔識唱，但今次 rehearsal真係嚇咗我一跳，我諗住請佢嚟凸顯我唱得好，點知佢唱得好過我，(為做嘉賓秘密練兵？)佢好鍾意唱歌，所以呢幾年日日都喺度練，佢得閒會去K房練歌。」
出6位數打動小如豬
至於小如豬做嘉賓，Edan亦大讚阿妹比自己叻，「佢唔止100分，完全唔驚，好自在，真係好犀利。」他自言過了7年才克服恐懼，今次開騷才可以自在地表演。不過，他大爆小如豬在表演前一晚緊張到失眠，問到如何說服妹妹上台，他笑言：「我都出動6位數字，不過佢唔要。」小如豬將收入分三份送給他和父母，問他可會效法時，他稍作猶豫：「公司低薪就可以。」
Anson Lo做嘉賓懶理網上聲音
談到日前請來盧瀚霆(Anson Lo)擔任嘉賓，深情對話，公開宣告彼此視對方為自己最好朋友，他表示，「佢有同我講佢差啲喊，我無事啦。咁多年交情，我同佢可以咁信任對方，可以做大家樹窿、支持，俾大家意見，義無反顧，所以好感謝佢，佢今日(18日)都有特登入嚟陪我。」他直言不知未來如何，所以請嘉賓都當作最後一次。問到可有留意網上對「登神」合體的討論時，有支持也有反對，他表示，「我真係冇乜所謂，因為『關你……』，佢哋鍾意點講點形容，我都控制唔到，有時佢哋好得意好可愛，佢哋個腦裡先至係真理，想幫埋我哋諗嘢，佢哋自己鍾意。」問到其他兄弟可有呷醋時，他就表示大家也明白兩人很老友。
魯生是智慧長輩 金生好可愛
Edan在台上提到MIRROR快完約時，有fans大叫他已續約，他一臉驚訝，澄清目前仍在討論階段。至於魯庭暉離職可會影響續約決定，他表示，「咁又唔會，雖然魯生係我其中一個好尊敬嘅長輩，雖然佢年紀唔算好大，喺我認識同信得過過嘅人，佢係最有智慧，有乜難題我都會問佢意見。佢嘅離職當然會唔捨得，但都祝福佢，同埋唔代表我哋唔係朋友，仲可以約出嚟食飯。」至於對新CEO金廣誠的看法，他叫金生加油「金生係好慈祥嘅長輩，近來佢好cute，因為要學唔好咁嚴肅，改變緊自己，好可愛。」至於個人有甚麼訴求，他就話一齊加油。
談難聽俱樂部 沒知會MC
在演唱會中的祓教內容，他表示概念源自經常被指「講經」，估不到跟羅家英形象出奇地夾，，Edan笑言當晚招架不住，「明阿姐點解叫佢唔好亂講嘢。」他表示祓教內容全靠黃正宜幫忙，協助提供例子，談到大玩粗口諧音，他表示，「多謝公司同各位經理人都好放寬我，起初肊口花姐講，佢都嚇一嚇，但起碼意思我唔係講粗嗰啲。」祓經內容㧹到MV點擊數字、拍廣告收入跌和被歸入難聽歌手俱樂部等，「純粹覺得幾fun，自嘲吓，最緊要大家識笑，其實綵排時好驚，同埋冇觀眾，尷尬到想cut咗去，多謝觀眾反應，第一晚反應最好，第二晚已知內容仍有笑。」至於連MC張天賦和柳應廷(Jer)都擺上台 他表示事前沒知會MC，但相信他好玩得，並不介意。至於尾場大派靈符，他解釋早已印好，但之前兩晚沒機會派，所以趁尾場落台繞場派，
完成演唱會，他自言比細楷e，在唱歌跳舞和台風都比以前進步，希望努力做好手上工作。
立即更新/下載AM730手機APP 體驗升級功能
