Ad Block Ad Block
娛樂
2024-06-07 23:30:48

周家怡李靖筠飛大阪 駕駛《頭文字D》藤原拓海AE86:真係好感動! 

分享:
周家怡李靖筠飛大阪 駕駛《頭文字D》藤原拓海AE86:真係好感動! 

周家怡李靖筠飛大阪駕駛《頭文字D》藤原拓海AE86。

由兩位愛車之人周家怡及李靖筠(Gladys)拍攝的網上駕駛節目《恨駕女團》新一集已經上架,今集二人衝出香港,飛到日本,實行恨駕到大阪。 

出發前,家怡問Gladys到日本後想開甚麼車,Gladys表示想開JDM,即在日本境內販售日本版、日本規格的車。二人又晒出國際車牌準備就緒,不過當家怡見到Gladys的國際車牌便不懷好意地問:「咦?點解你要有嘅?」Gladys反問:「咩呀?」家怡即說:「你平時都係專業乘客,你駛乜申請呢個啫?」激到Gladys一度語塞,十分搞笑。 

Ad Block
周家怡李靖筠駕駛AE86 ,表示好感動!

周家怡與李靖筠駕駛AE86 ,表示好感動!

安全到達大阪後,二人立即去到租車車行,兩人最後選中動漫電影《頭文字D》中,男主角藤原拓海所開的「AE86」,二人坦言一直都想開「86」,「講咗好耐一路都揸唔到,一路都冇借到86,而家喺日本揸86!你明唔明嗰個感覺、嗰個儀式感!真係好感動呀!」 雖然「恨駕」86,但由於車款是1983年出產,加上操作規格跟現代車有少許分別,以致一開車便出師不利,負責駕駛的家怡一開始便停泊在路邊,「個死火燈係喺…… 冇死火燈嘅?我唔知架車個死火燈喺邊。」最後拍攝團隊上前解圍,終於能夠順利出發。一路上,家怡大讚車輛保養得很好,「啲聲好實淨呀!駕駛感覺嚟講,佢堂軚好鬆、好輕、好多虛位,極力子好容易放,如果以四十年呢個condition,直程係好好!佢唔係淨係個樣好,我而家揸起上嚟我都覺得佢精神。」 二人又分享日本自駕遊經驗,「喺日本要用佢哋本身install咗嘅導航係準好多。」家怡十分贊同,「嚟親日本自駕,入導航嘅時候,我唔會將佢轉做英文,我一樣用番日文,反而一去咗英文,就好難睇,呢個都係俾觀眾嘅少少貼士。」

Ad Block
二人分享日本自駕小貼士,入導航時用番日文。

二人分享日本自駕小貼士,入導航時用番日文。

車款是1983年出產,操作規格跟現代車有少許分別。

車款是1983年出產,操作規格跟現代車有少許分別。

請接受以下私隱政策及免責聲明,以示你同意am730內之私隱政策及免責聲明。了解更多
接受