(左起)陳小芝、程凱欣、朱靜宜、馬浚偉、葉碧梅及朱子昭，賀啤梨入五。
新城廣播創作總監及節目主持葉文輝(啤梨)今天0歲正日生日，馬浚偉與一班電台高層，特別送上兩個蛋糕為啤梨慶生，馬浚偉更私人送上大利是給壽星仔，但不忘說：「嚟緊你有好多重任！」至於主持黎莉亦向啤梨送上飛吻，令啤梨開心又感動，不過笑言：「可惜病咗感冒，為免傳染，只好側面接收。」
啤梨許願及切蛋糕後，又與新城廣播同事影大合照，他直言感到相當溫暖，「我今日『入五』喇，呢個年齡對我嚟講好特別，第一次唔想講自己幾多歲，哈哈！上年仲係4字都冇乜大感覺，當踏入5字，人生調轉嚟到倒數，個心態真係好唔同，公司同我慶祝我覺得好感恩，好多事都唔係必然，當人生去到倒數時，我所有嘢都係感恩同珍惜。」
馬浚偉派大利是給啤梨。
啤梨又指，今年的轉變特別大，尤其是馬浚偉入主新城廣播後，自己升職又加薪，他表示：「依家個崗位係我從來冇涉獵到嘅，有呢個機會自己都做得好開心，好多謝呢班同事同我拍住，因為識咗咁耐都好了解對方。」提到生日願望，抱恙在身的啤梨由衷表示：「希望自己同身邊人一齊身體健康，有健康先可以繼續向前衝，同埋工作順利。」
黎莉飛吻賀啤梨入五。