2025-09-28 16:38:48

巨塔之后｜劉佩玥鬆口講感情事一日未入紙都係單身

劉佩玥昨日（27日）為《巨塔之后》宣傳，她指角色是非常沉重，令她演完之後仍然難以釋懷，儘管在布拉格跟張頴康等遊玩，心情也是很重，放鬆不到，直至回港見到父母之後，陰沉的感受才消失。

會如常跟周志文約會

談到早前她與緋聞男友周志文外出時被拍到，她說：「係丫，冇咩特別，因為我哋都係一齊去食飯、玩，大家見到好多合照會有我哋。我哋又冇話刻意要低調，因為全部人都有一部電話，全部人都可以影到，如果真係唔想俾人影到，係咪唔好出街呢？但我性格唔會，工作就係工作，生活就係生活，冇刻意低調乜嘢。」

一日未填表，都係Single

她稱當時不知道被人影到，笑謂知道會打招呼，「當時各自有自己嘅嘢做，所以就走，自己有行得快，如果係知道會say hi！」問到她的狀況，她表示很滿足現在，現跟工作拍拖，但就表示「一日未填表，都係Single，都係單身，哈哈哈！」談到她入行12年，有至少七位緋聞男友，她說：「咁少咩？」她坦言知道大家很關心她的感情狀況，但自己就比較擔心朋友受影響。