郭富城(城城)前晚與老婆方媛，現身跑馬地馬場，支持愛駒「舞士精神」出賽。城城指，由於其出賽愛駒是賽前大熱，他很擔心馬迷投注鋪草皮，又說自己興趣不是投注，而是培育愛駒成才。
城城筆挺黑西裝，方媛則以黑色喱士裙，戴上格紋帽子示人，紳士淑女打扮相當合襯。
方媛與城城經理人小美言談甚歡，不知是否度緊二串三！
這次是城城的愛駒，首次來到跑馬地馬場出賽，更是賽前大熱門，但城城說：「其實我交晒俾練馬師，等佢安排啦。(馬匹狀態如何？)可以啦，不過排位係第十檔，唔知道，點我都會支持，其實我好擔心馬迷盲目投注，我隻馬一出賽就投注，有時候馬匹出賽係想試狀態，唔跑唔知道嘅，我都希望佢跑得好，交出好成績，唔好辜負馬迷對佢嘅期望。」
自己做馬主偏向不投注
問到城城有沒有對愛駒投下重注，城城說：「唔會，絕對唔會，譬如上次，我自己都冇投注，大家千祈唔好以為馬主就一定會投注。我覺得養馬係一種樂趣，只希望愛駒跑得好，因為我哋馬主會有獎金，所以唔需要一定投注。」城城希望愛駒一路可以升班，升班代表有進步，希望佢跑好一啲，一直進步。」雖然最後「舞士精神」跑第二名，但也為城城贏得獎金。
ADVERTISEMENT
20周年「全城撐本地消費3重大激賞」！ 即睇活動詳情！
