曾展望表示因為《女神配對計劃》帶挈，多了不少工作機會。(娛樂組攝)
曾展望今日(14日)主持《好嘢港多啲》，同場還有跟他一齊拍攝《女神配對計劃》的李芷晴。提到曾展望被本報拍到跟葉蒨文在數碼港睇戲，他直認不諱，並表示他們前一日拍戲，提起想看《F1》，於是相約入場。
他說︰「呢套係大片，入場係學術研究，以做功課心態去睇，因為大家都係演員，支持下自己行業，睇下荷李活拍緊咩。(有冇去埋數碼港公園散步？)有公園咩？真係唔知呀！(係戲院有冇咩親暱行為？)唔會，睇戲嘛，學術研究呀！齋睇戲咋！」提到他們不怕被公眾拍到約會，他表示只是單純同事約睇戲，加上節目組可以讓他們私下約會。他說︰「我哋無避忌太多，因為都係收工講開咪一齊睇。」
提到《女神》入面，葉蒨文跟林堡熙Eddie有些親密動作，他坦言自己是很易呷醋的人，見到當然不太開心，但跟Eddie的關係沒有轉差。他說︰「大家係普通朋友，冇聯絡太多，之前都有傾一、兩句。大家都係公平競爭，又係成年人，唔使睇到咁敵對。」問到Eddie是否最大的對手，曾展望表示不止Eddie一個對手，但無論如何都會做好自己，自然會發光，不會跟別人競爭。
早前他與葉蒨文同床的畫面被曝光，他的手搭上女方身上，他坦言自己都沒有印象，因為拍攝現場全都是cam，自己睡著了沒有為意身邊有人。他稱事後有跟葉蒨文致歉︰「我有同佢講對唔住，因為我又冇心，唔知佢當時會唔會覺得唔舒服，所以同佢講咗聲sorry。」
五對CP瞓醒覺一刻曝光，GM與葉蒨文極度溫馨 ！
問到外間已經視他們為一對，是否亦預告了他們在結局會成為一對，曾展望表示開心大家關注節目的發展，但相信觀眾及網民的眼光，可以推斷到好多東西，更預告結局可能跟大家想像中不同。
談到葉蒨文拍完結局要入醫院，曾展望指對方當時病得好重，氣管發炎。他說︰「我有關心佢，其實好尊敬佢，佢真係病到好重，氣管發炎，講兩句都想咳，食藥食到聲都變埋，有時又雙眼通紅。同埋食完藥好攰，跟住拍攝又長時間，佢半句怨言都冇，好專業，真係好欣賞佢。」他表示不止自己，其他人都很照顧她。
ADVERTISEMENT
😋請你嘆香港迪士尼20周年下午茶👇立即登記👇
