娛樂
2022-06-29 17:05:00

林作被陳定幫批天生是非命格 裕美爆男友踩狗糞也不怕

分享:

林作 & 裕美

林作一向都有唔少抽水「辣火頭」事件,繼嘲諷香港小姐質素收TVB律師信,日前公開用100萬港弊向陳凱琳細佬Derek發出驗父子DNA挑戰,成為城中熱話。原來,林作做出此等搏出位行為係源自於佢嘅命格?

林作女朋友裕美曾經喺楊詩敏(蝦頭)和連詩雅(Shiga)主持嘅YouTube節目《絲打圍爐》中,大談林作性格。裕美透露,只要林作見到自己有兩星期無新聞就會開始抑鬱,會問及:「點算?我依家唔紅啦」;裕美表示,早幾年林盛斌(Bob)介紹林作去搵陳定幫師傅算命,陳定幫指對方命格係是非命,一定要靠是非上位,林作如同覺醒一樣,不斷製造是非。

裕美讚林作品格好

其實林作曾接受媒體訪問時都分享過陳定幫對佢命格嘅睇法,指師傅話佢需要做嘅就係唔避忌是非,踩住上、食住上,就會有好好嘅生意成果。林作自己都覺得係真有其事,不過林媽媽就曾因林作多是非而提心吊膽,每日都驚畀人尋仇,經過一段時間先慢慢接受,亦變得會撩是鬥非。雖然林作愛製造是非,但裕美就向蝦頭和連詩雅表示林作對自己、愛犬和朋友都好好,例如試過一口答應裕美要求,借用空出嘅房間予裕美朋友暫住一至兩個月,又曾於裕美愛犬吐蛔蟲時,馬上開車接裕美帶同狗狗睇醫生。裕美更笑言,林作就算踩到裕美狗狗糞便都唔會發脾氣,同埋唔會喺侍應面前當自己皇帝,去到邊都同人講笑,認為呢種品格唔錯,覺得搵對象一定要搵品格好嘅。

《絲打圍爐》截圖

《絲打圍爐》截圖

《絲打圍爐》截圖

林作

林作

林作

裕美

裕美

原文刊登於 Yahoo 娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受