林峯出席「淳茶舍」活動， 回應《九龍城寨·終章》開拍消息。
林峯今日（12日）出席「淳茶舍」活動與一眾粉絲在台上互動大玩遊戲，他接受訪問表示：「以前我去過雲南嗰邊拍戲，真係試過下晝突然之間冇我嘅戲份，我就入咗一個賣茶嘅地方同賣茶嘅師傅坐喺度三個鐘。」提到最近的工作安排，他表示：「九月會開始巡迴演唱會，去到唔同嘅城市歌單都會有啲分別，想俾啲驚喜大家。」
提到宣萱指與徐子珊依然有保持聯絡，會否希望透過宣萱約見徐子珊，他直言：「都係嗰一句唔好騷擾人，佢哋兩個私底下有聯絡，但其實好似私底下都冇乜點聯絡，雖然大家有一段時間係同一個經理人，不過好似工作比較繁忙，私底下都冇約過食飯。」
講到早前點名多謝古天樂提攜轉戰電影圈發展，他表示：「嗰陣時離開咗電視台，我第一時間係搵咗古天樂先，佢嗰陣時都已經叫我多啲拍電影，不過嗰個階段都仲想做歌手。好多謝古天樂俾咗嘅機會我去行演員呢條路。」
至於是否因為當年與宣萱和古天樂合作拍《尋秦記》而熟絡，他說：「尤其係去內地度拍戲，大家真係同甘共苦，嗰陣時啲影城都未完全開發，好少劇組去拍戲，所以好多條件都比較唔充足。我記得嗰陣時我哋住喺蒙古包，熱水限時淨係兩個鐘，煲水唔夠五個人沖涼，如果遲少少沖涼都係得凍水。」他指通常都會讓女演員先用熱水沖涼。
被問到《九龍城寨·終章》何時開拍，他表示：「最新收到嘅消息係一月份要開始訓練，訓練嘅時間係多過上次一倍，所以呢幾個月做足準備功夫，希望將身體狀態調整到更好，舊患都可以康復好。」
ADVERTISEMENT
😋請你嘆香港迪士尼20周年下午茶👇立即登記👇
