梁敏巧突在社交網大曬一拖二「湊女」相。
梁敏巧（Maggie）因參加《女神配對計劃》而人氣急升，一舉一動獲網民關注，儘管節目早前已經完結，但網民都十分焦急，希望Maggie與Matt這對M&M組合可以修成正果。日前，Maggie突在社交網大曬一拖二「湊女」相，令人以為她已升呢做人母，嚇窒網民。
Maggie日前在社交網貼出多張「湊女」相，相中見她帶兩位小朋友一起去游水，小朋友樹熊式攬實Maggie，又幫她扎辮，看來關係非淺，當大家都驚訝以為Maggie 已經是兩孩之母，原來只是一場誤會，Maggie 透露自己做了一日保母，並讚嘆做全職媽媽的偉大：「一日保母take two，絕對冇人能夠優雅美麗地湊小朋友，嗰啲一定係呃人，你哋見到我就知咩事啦。母愛真係好偉大，如果有人話全職媽咪好easy ，嗰個就真係從來冇感受過全職媽咪嘅辛苦，我都只係淺淺一嘗，都有深深體會。唔該以後大家真係要好好孝敬下你阿媽，向天下媽咪致敬。」梁敏巧其後向傳媒透露原來兩位小朋友只是她的鋼琴學生，網民都立即tag其發展對象Matt，並笑言：「好好孝敬你將來小朋友嘅媽媽 。」
ADVERTISEMENT
