梁敏巧與Matt晚上在麥記約會，超級甜蜜。
梁敏巧（Maggie）與劉啟進（Matt）因為參加《女神配對計劃》認識，雙方感情不斷升溫，儘管節目已經完結，但網民十分焦急，希望Maggie與Matt這對M&M組合可以修成正果。
Maggie一有空便會開直播，但時間大多是晚上10時至11時左右，向來早瞓的Matt寧捱眼瞓也會加入直播，二人在直播中無所不談，不時談至無人之境，更有網民笑謂齋看他們談話已感到很甜蜜。日前Maggie在直播中表示肚餓想食麥記，Matt二話不說在深夜化身外賣員，即刻落去買麥記送給Maggie。
麥記蜜會任睇唔嬲
其後二人轉到麥當勞一齊食麥樂雞及薯條，期間二人更互相餵食薯條、麥樂雞，Matt更細心為Maggie抹咀，整個畫面都充滿粉紅泡泡，甜「麥」度滿分。
問到Maggie跟Matt在麥當勞蜜會感覺如何，她說：「我知佢當日係好累，我都feel sorry，做咗成日夜，第二日又要早起，我係開心，但都戥佢好辛苦。（Matt搵到個肯陪佢食麥記嘅女仔喎！）我不嬲都鍾意食麥當勞，一直都希望自己有間麥當勞，應該係倒轉我要搵個男仔陪我食麥當勞！」她笑謂希望在不久將來開麥當勞，然後另一半陪她一齊食麥記。
認大家非常忙
她坦言雙方都很忙碌，並透露Matt的生活很規律，5、6點起身晨運，之後工作至晚上，10、11點便睡覺重；至於自己亦要一早外出工作至夜晚，直至夜晚才有自己的ME TIME，笑謂雙方有時差，很難抽時間見面。「雖然大家係住得好近，但明白大家有幾疲累，所以大家用最舒服方式，無俾壓力大家。慢慢嚟，唔急，因為大家真係好忙，依家大家相處都好舒服。」她表示明白到大家好心急，但盼大家給予空間，「希望大家都為我哋個節奏、flow開心。」
預告10月有活動
提到Matt跟她在一起之後，整個人愈來愈風趣，她表示Matt在鏡頭前未必能完全展示自己一面，但直播比較輕鬆，所以他做回自己。過去網民一直都希望可以見到M&M組合一齊4手聯彈兼大派朱古力，她透露將於10月讓大家見證這一幕甜爆畫面。她透露說：「個日入場嘅朋友，會收到我哋悉心設計嘅M&M，一邊聽我哋4手聯彈，甜爆大家。」
ADVERTISEMENT
立即更新/下載AM730手機APP 體驗升級功能
