無懼網民罷看《機場特警》楊明︰唔鍾意可以唔睇

楊明、黃子恆、吳家樂及孫慧雪昨日到深水埗派口罩，兼宣傳劇集《機場特警》。提到劇集可以重見天日，楊明強調劇集並非倉底貨，只是公司想找最合適時間才推出，問到會否擔心自己撐警而影響收視，他說︰「控制唔到！」

對於警民關係緊張及自己的立場，或會令網民罷看劇集，楊明坦言理不到這麼多︰「我控制唔到，因為每個人都有自己選擇，如果令到佢唔鍾意或者唔開心，可以唔睇。我哋做電視都只係想娛樂大家。」

他又透露疫情影響燉湯生意，現與4間店舖的業主商討減租，同時申請《防疫抗疫基金》。他說︰「唔知可以撐得幾耐，冇炒人但冇請兼職，希望可以保住啲長工。灣仔分店試過夜晚一個人都冇。」問到女友莊思明接過花球，有沒有結婚壓力，他說︰「冇！我懷疑花球係綁咗魚絲，無論擲到邊都係佢接。順其自然啦！」