Ad Block Ad Block
娛樂
2023-10-01 17:59:06

爆谷一周|姜濤親揭額前留海原因 谷德昭笑指偶包甩啲唔甩啲:難得保持青澀怕醜

分享:
谷德昭主持的《爆谷一周》,請來姜濤和李嘉文擔任嘉賓。

谷德昭主持的《爆谷一周》,請來姜濤和李嘉文擔任嘉賓。

由谷德昭主持的《爆谷一周》昨晚(30)訪問姜濤和李嘉文(Jessica),兩人為新戲《我的天堂城市》宣傳,談到互獻螢幕初吻,姜濤自言緊張,事前做定資料搜集,「牙齒要閂埋安全啲、啷口、盡量一take過。」姜濤在戲中罕有地露額,谷導趁機發問他為何音樂表演永遠不露額,惟獨電影才見到?姜濤坦言,「我比較慣有瀏海,有蔭有安全感,有時表演分開咗要將佢揈落嚟,但演戲要擺低自己,現階段可以做到將瀏海攞走,放低包袱。」原來導演本想保持留蔭,反而姜濤認為可以隨性一點,谷隨即打蛇隨棍上,笑問可否在節目上露額,姜就用力吹開額前的頭髮,「完成」露額任務。

谷德昭與姜濤、李嘉文和一眾姜糖大合照。 姜濤與李嘉文為電影《我的天堂城市》宣傳,接受谷德昭訪問大談互獻螢幕初吻的感受。

傾向公開戀情

谷導追問姜濤將來可會公開戀情,姜坦言視乎情況,自己傾向會親自宣在重大事情,「如果確定呢個人係一生一世,我會講,但前期我當然會尊重,唔係我開心就得,可能對方唔鍾意。」至於跟他拍的好處,姜濤無奈表示,「冇乜好處,暫時其實有比我更加好選擇,因為成日喺街睇同齡年輕人,冇壓力地相處先係拍拖目的,講真同我一齊真係有壓力,唔可以成日出去做好多嘢,對佢唔公平。」但他也不抗拒戀事,一切順其自然。

最羨慕食極唔肥

 

兩人在戲裡戲外都追夢,如今已是人氣偶像的姜濤,曾表態將來退休想搬往沒有人認識的地方居住,更因此成為話柄,谷德昭趁機問他有沒有改變想法?他直言曾因此事被認為不專業不敬業,但他仍覺得每個人對自己人生各有不同見解,「人生本身就係想體驗唔同嘅嘢,可能唔同職業、環境,我性格希望自己做一個可以放得低嘅artist,有一日名利一定會離開慢慢下降,希望自己有一日冇咗呢啲嘢都會睇得開,可能咁嘅心態,所以以前話退休,係希望自己做一個放得低嘅人。所以我而家係隨緣,相信感情同事業都有佢發生嘅原因。」有現場姜糖問姜目前的最大願望是甚麼?姜濤坦言:「食極唔肥,好羨慕呢啲人。」

Ad Block
谷德昭撰文分享對姜濤的印象。

谷德昭撰文分享對姜濤的印象。

大讚姜濤善良有禮又專業

今日,谷德昭在社交平台分享感受,大讚姜濤有禮貌、準時、專業、有準備,他補充說:「當然有偶包,好努力想嘗想放低偶包,但錄影時有姜糖觀眾在現場,偶包甩啲唔甩啲,但唔會刻意地扮冇偶包,有咪有囉,但又唔會『柯柯個個』,仲有幾分難能可貴的青澀『怕怕醜醜』,每條問題或每項要求都好認真、好真心地回應,分數好高。」谷導坦言跟姜濤稱不上是深交,但絕對感受到他的善良,除非在打籃球時遭粗暴對待,否則只有別人恰他,不會是他恰人。

谷德昭大讚Jessica自然不作造,銀鈴般的笑聲甚討喜。 黃偉文在英國偶遇「撞聲姜濤」,獲姜濤本尊認證。

Jessica銀鈴笑聲甚討喜

Jessica是前毛記主播黃慘盈,於2017年短期進修後來留在紐約發展,她坦言曾經歷無數次試鏡失敗的打擊,戲裡的打拼與迷茫,9成是親身體驗,「試過甩好多頭髮,好抑鬱,打拼咁多年後,呢一兩年機會多咗,容易咗。」谷德昭則大讚百份百香港製造的Jessica,自然而不造作,銀鈴般的笑聲很討喜,他更預告將來煲劇,將有機會看到Jessica講英文的演出,他勉勵說,「妳走的是以前很少人有走過的道路,一步一腳印,過程當然艱辛,但當有成果時,將會倍感甘甜,加油Jessica!」

「撞聲姜濤」獲認證

另外,填詞人黃偉文(Wyman)日前在IG上載一段疑似姜濤的錄音,昨日終公布原來是在倫敦名店偶遇的一名店員,而這位「撞聲姜濤」,更獲「真身」姜濤親自留言認證:「Omg 真係好似…」,並在IG story轉發:「一模一樣」

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受