本地
出版:2026-Nov-20 11:33
更新:2026-Nov-20 16:23

蔡天鳳碎屍案|鄺港智:與蔡14歲已有性行為 蔡有參與偷金案「幫我睇水」 (持續更新)

分享:
蔡天鳳碎屍案|三被告連日作供引發關注,數百市民早上排長龍到庭旁聽,更有人前一晚已通宵排隊欲進入正庭旁聽席位。(讀者提供)

蔡天鳳碎屍案|三被告連日作供引發關注,數百市民早上排長龍到庭旁聽,更有人前一晚已通宵排隊欲進入正庭旁聽席位。(讀者提供)

28歲名媛蔡天鳳(Abby Choi)2023年2月疑遭殺害後肢解烹屍,蔡天鳳前夫鄺港智、前家翁鄺球、前夫兄長鄺港傑否認謀殺罪,承認阻止合法埋葬屍體罪,案件今日(20日)第42日審訊,第三被告鄺港智第二日作供,由代表他的大律師安華暉主問。三被告連日作供引發關注,數百市民早上排長龍到庭旁聽,更有人前一晚已通宵排隊欲進入正庭旁聽席位,正庭及延伸庭共有超過300個公眾旁聽席。

蔡天鳳碎屍案|三被告連日作供引發關注,數百市民早上排長龍到庭旁聽,更有人前一晚已通宵排隊欲進入正庭旁聽席位。(讀者提供) 鄺港智 蔡天鳳在龍尾村村屋內疑遭肢解。 蔡天鳳

數百市民排隊到庭旁聽

鄺港智指在2023年2月21日案發日之前或當日期間,與鄺球、鄺港傑或其他人的通話中,都沒有與蔡天鳳死亡相關的內容,他指父之間的通話紀錄,部分是由兩子女致電予爺爺聊天。鄺球日前供稱鄺港智回港後指被蔡「欺凌」,他租用凱旋門單位「畀多個地方佢落腳」;鄺港智指父親從沒有跟他提過此事,他亦沒有表示想逃避蔡。至於與鄺港傑不時通話,鄺港智指他是兄長及司機,當他或小朋友要用車便會致電。案情提及鄺港智向友人稱因車輛維修需借車,他稱知悉父親用作搬屋,向友人說謊「只是一個隨便藉口,唔會覺得係大話,費事咁複雜咁講」。

鄺港智確認2月11日曾到龍尾村單位逗留27分鐘,他稱當日他接兒子到沙田學打網球,指鄺港傑稱「反正冇嘢做」遂前往父親新屋參觀,當時沒見到刀、電鋸等物件,自己期間曾穿拖鞋。

鄺港智:冇掂過錘仔

2月13日鄺港智與鄺港傑曾到日本城,鄺港傑購入螺絲批、保鮮紙和衣物柔順劑,鄺港智稱「行下冇買嘢」,他不知道鄺港傑所買物品用途。至於涉及殺害蔡天鳳的圓頭錘上,檢獲到鄺港智DNA,鄺港智稱「我冇掂過,掂都冇掂過」,指錘仔不曾在車上,亦與蔡的死亡無關。安再問到2月21日案發當日情況,鄺港智到新世紀廣場Starbucks咖啡店與鄺港傑午膳,鄺港智稱當日計劃往健身,鄺港傑與他午膳,膠袋有健身所需衣物,寒冷時健身會著長袖衫,他向鄺港傑「講過請教練啲嘢」,鄺港傑稱「冇人請教練㗎,我都識啦」並教他姿勢。鄺港智稱當時的身體動作是在嘲笑鄺港傑,指其身型「好難說服我」。

之後鄺港傑載蔡往接長女放學,鄺港智途中上車,他上車後蔡坐司機位後方,他坐在其左邊,當時蔡與奶奶、即譚方駿母親透過語音短訊對話,自己在玩電話。安引控方指,蔡最後發出訊息是「好」,及後被鄺港智襲擊,鄺港智表示不同意,稱當時蔡「一路同我講緊嘢」,提到會去下午茶,又指其母張燕花爭人錢,每月幫她還利息很大壓力。鄺解釋是張燕花欠賭債,蔡為此不高興。鄺港智又指與蔡提及幫譚方駿母親買衫。

鄺港智續指車上問蔡當日與客人睇樓情況,蔡着他有空留意屯門樓盤。隨後二人提及農曆新年發生的事,他提到鄺球曾稱如不讓他探望孫兒女孫,「佢就咩都唔再配合」。

蔡車上罵鄺球「60幾歲仲媾骨妹」

鄺港智指,蔡「開始有啲嬲」着他轉達給鄺球,鄺港智稱「細路仔事我冇辦法講喎」,蔡斥他「冇x用」、又指「死老嘢又同我玩嘢」。蔡問及鄺球身處地方,要「即刻講清楚」,鄺港傑則回應他身處大埔,蔡要求即刻「去搵佢講清楚」,叫鄺港傑致電鄺母李瑞香接女兒放學。

稱蔡罵「唔可以再畀佢見孫,怕教壞」

鄺港智又提到,當時蔡夾雜廣東話和海南話在他們面前罵鄺球,「話唔可以再畀佢見啲孫,怕教壞,跟住話佢臨老入花叢」,意思是「咁老仲走去媾女」。蔡又罵鄺球,「60幾歲仲喺度媾骨妹,跟住就話佢(鄺球)當人哋係老婆、人哋當佢係客人,一陣間啲錢被人呃x晒。真係呢世都唔可以畀佢見仔女,一陣間教到個仔媾骨妹、教到個女做骨妹就x街」。及後七人車駛至大尾篤停車場,鄺港智確認蔡當時仍生還,他們見到鄺球後停車。

鄺港智:鄺球上車見蔡天鳳 其後蔡倒下有血「冇反應」

鄺港智指父親把一份文件交給他,他把文件放入車後,之後鄺球上車「跟住我同我阿哥行開咗嘅,一路食緊煙喇,但係就唔係好遠嘅」,他指食煙後返到去,鄺港傑開車門後「見到Abby瞓咗喺度,我老豆坐喺我本身坐個位」,鄺港傑問到發生何事。父稱「唔好講住啦、返村屋嗰度先」,父親返回自己私家車,鄺港傑亦開車前往村屋鄺港智稱「即刻睇吓Abby點樣,見到有血,頭有血。我郁佢隻手叫佢,摸吓心跳...之後就冇反應」。及後兩車駛至龍尾村,父親上車檢查蔡是否有生命跡象,他問「咁點算,報警定call白車」。父親回應「吓,你通緝緊㗎喎,啲仔女點算?」鄺球之後指示先將蔡搬入屋。

鄺港智:沒參與襲擊蔡 不知父如何處理看報道才知分屍

鄺港智指他當時留在車內數分鐘,形容自己「好驚、好緊張」,未曾預計會發生襲擊事件。片段顯示,鄺港智落車後有「揈手」的動作,他庭上稱當時「掹住呢個扶手用錯力,䟴到隻手」。控方案情指當時他在襲擊蔡時受傷。鄺港智稱「我冇受傷」。鄺港傑早前供稱鄺港智在車上殺害蔡天鳳,之後一直大哭,鄺港智否認,指他返回加多利山單位後走入房間哭,又指子女在家「我好抑壓情緒,因為行出去要扮冇事」。至於為何更換衣服,鄺港智稱「揩到啲血,見到有血就除咗...應該我睇Abby時整到」。他指當日離開後,未有再返回村屋。鄺港智表示急離開龍尾村是因當時涉盜竊案被通緝,「我驚,好唔開心,老豆叫我走先」。當晚譚方駿及蔡母致電問蔡下落,他回應「唔喺吖,我整緊啲小朋友瞓覺」。及後蔡母通知已報警,他回應「X街你報警都唔話我知」,解釋「因為佢知道我被通緝,報警應該通知我先」,強調當時沒擔心因蔡遇害事情被連累。

因自己涉盜竊案被通緝 聞蔡母報警說「仆街」 

他隨即致電鄺球問「你話處理嘅?X街,佢阿媽報咗警」,接著問鄺球凱旋門單位是否有人,及後收拾物品到該處。他解釋案發後鄺球稱「你哋走先,我會處理」,當時不知父親當時會如何處理,直至看到《香港01》新聞報道才知悉分屍並「好驚」、「我唔知道佢係咁樣處理㗎嘛,我以為佢係報警或者call白車」。鄺港智指凱旋門單位是鄺球予「二奶」,至於他被捕時身上有凱旋門的租約及鎖匙,他指早前和鄺球食飯時提及單位,「同佢上去睇下」,鄺球便把租約和鎖匙給他,「費事佢唔記得帶鎖匙,擺一條喺我度」。

找「大飛」離港被騙30萬 到碼頭被拘捕

鄺港智事發翌日到貴族鐘錶取回暫存現金及名錶。他供稱「知道出咗事,我同(蔡母)張燕花通過電話,佢叫我不如返大陸先,我自己都心驚驚不如」,因而取錢計劃到內地或澳門。他又稱打算「攞返啲錢先,再安排離開香港避一避睇吓咩情況」鄺港智指在22或23日安排「大飛」離開,以平常三倍價錢即30萬安排,他指自己「畀人呃咗」,因到碼頭後被拘捕。鄺港智強調案發日沒有於七人車內被激怒襲擊蔡,更沒有於大尾篤停車場參與襲擊蔡。

代表鄺港傑的辯方大狀 Trevor Beel盤問鄺港智。鄺港智指14歲與蔡交往,及至15歲、即2009年搬入黃埔花園,指二人約14歲已發生性行為,被問蔡母沒反對?鄺港智稱「佢好鍾意㖭」。被問在與蔡結婚前他干犯盜竊案,鄺港智指蔡知情因「一齊做,佢幫我睇水」,指自己「攞走啲嘢,需要有人幫我睇住,即係我交畀佢」鄺港智確認他當時取走金器等物品,同意在2013年6月第一次盜取約值6萬多元金飾;第二次是同年10月盜取約167萬元物品。

暫委法官祁彥輝及後向陪審團表示,需時考慮是否讓辯方盤問鄺港智有關被定罪的盜竊案内容,案件押後至下周一續審。

案件編號:HCCC198/2025

蔡天鳳碎屍案|一文睇清蔡天鳳遇害始末 案件時序一覽 蔡天鳳碎屍案|一文睇清蔡天鳳遇害始末 案件時序一覽 蔡天鳳碎屍案|一文睇清蔡天鳳遇害始末 案件時序一覽 蔡天鳳碎屍案|一文睇清蔡天鳳遇害始末 案件時序一覽 蔡天鳳碎屍案|一文睇清蔡天鳳遇害始末 案件時序一覽 蔡天鳳碎屍案|一文睇清蔡天鳳遇害始末 案件時序一覽 蔡天鳳碎屍案|一文睇清蔡天鳳遇害始末 案件時序一覽 蔡天鳳碎屍案|一文睇清蔡天鳳遇害始末 案件時序一覽 蔡天鳳碎屍案|一文睇清蔡天鳳遇害始末 案件時序一覽

ADVERTISEMENT

ad

恭喜你!獲取1分 !

更多積分任務