陳瀅濕身色誘張振朗的戲分，獲網民瘋傳。
陳瀅、張振朗、樊奕敏和鄭子誠等，昨日出席主演劇集《全職沒女》的宣傳活動，吸引到不少途人上前索取小禮物。對於被指透過糖妹介紹，與方力申秘密撻著，而且已經相戀3個月，陳瀅即時否認戀情，更肯定二人沒有發展空間。
對於與方力申傳緋聞，陳瀅大呼無奈，直指：「我覺得方力申係一位樂於做善事同活躍嘅男仔，不過佢冇追過我，絕對無諗過發展空間。」陳瀅強調朋友不是男就是女，又稱：「唔想同異性出街，就係避免被人話收兵或者談戀愛，自己目前單身，暫時都未有追求者，其實有工作已經好開心，(會否怕當上沒女？)拍完齣新劇之後，都未知會有咩工作，不過唔緊要啦，重緊要係自己唔好懶同冇鬥心。」
張振朗考慮走性感路線
張振朗對新劇有口碑表示開心，更多謝觀眾演接受他的誇張演技，提到劇中上演被陳瀅挑逗和自己裸泳戲分，張振朗說：「其實我自己係怕羞男，呢啲戲分拍攝時都有尷尬，算係自己從影以嚟最大膽嘅演出。」張振朗又稱，劇中只著內褲的情節受歡迎，有想過是否要走性感路線，問到陳芷尤是否其女友，他稱：「我哋兩個只係好朋友。」
