今日是謝安琪與張繼聰細女張靖的5歲生日,因為疫情關係,張靖的生日會未有邀請其他朋友仔,一家四口留在家中慶祝。
謝安琪用了一些氣球佈置屋企,並拿出一部整棉花糖的機器為一對仔女整棉花糖,期間壽星女張靖更一度跳舞自娛,搞到謝安琪及哥哥笑過不停,最後張靖與哥哥一齊切蛋糕。謝安琪說︰「生日快樂!繼續做個善良快樂嘅小朋友,咁樣就足夠。」
張繼聰向謝安琪示愛
張繼聰則上載了一段細女在一個迷你波波池用腳踢起氣球片段,另外還有一張他與謝安琪一雙腿合照的照片。相中見到謝安琪一雙腿腫得非常厲害,而阿聰則指住老婆雙腳笑住影相。他寫道︰「Happy birthday to my lovely girl!爸爸會繼續負責,每日都令你好開心;你就負責健康長大,做個善良嘅人。另外,感謝我嘅太太,五年前嘅今日,對腳腫到咩咁….母親永遠都係最偉大,Love u !」