谷婭溦宣傳新歌《我管你》。
谷婭溦今日（11日）到新城廣播宣傳新歌《我管你》，早年受到網絡欺凌的谷婭溦曾患抑鬱兼有自殺念頭，她希望透過新歌鼓勵大家要愛惜自己，「我都想話俾大家知，一定會有人鍾意你同唔鍾意你，你唔好為嗰啲唔鍾意你嘅人傷害自己，佢都唔鍾意你，根本唔會在乎你所有好與壞，或者對你傷害有幾大，咁點解你要為傷害你嘅人折磨自己？」
谷婭溦曾想過衝出馬路尋死。
谷婭溦坦言最初受到攻擊時只懂得將自己躲藏起來，也不停吸收負能量，以至情緒出現問題，最嚴重時更想過衝出馬路自尋短見，「當你跌入呢個洞時，會出現好多聲音，所有唔好嘅嘢會喺耳邊不停鬧你，鬧你垃圾、癈、滾啦。後尾我離開咗香港半年，去咗北京中央戲劇學院讀戲劇，有個課程叫解放天性，讀完之後開始知道點發洩負能量。」谷婭溦指當時雖然有看情緒科醫生，但情緒病也得靠患者自己才會康復，「因為你先係主導，如果你跌咗入個洞但唔願意爬番出嚟，都冇人可以救到你，你自己先可以救到自己。」