女子組合Super girls隊長趙慧珊(Aka)與同公司的師妹余潔滢(Zoe)，早前拍攝微電影《最好的禮物》演「姊妹」，戲中Zoe因妒忌Aka而反目，但故事峰迴路轉，最後「善良」的Aka作出終極大反擊，回想起拍攝微電影，Aka表示︰「希望借微電影俾大家反思，現實中生命受到威脅，大家會點樣做。」
雖然戲中二人關係惡劣，不過現實卻因拍攝成為「好姊妹」，二人除了同樣愛畫畫和唱歌外，原來都愛入廚房，不過二人自嘲廚藝有好大進步空間。近日因疫情關係，二人都留在家中訓練廚藝，Aka說︰「因為疫情關係，會入多咗廚房煮嘢食，近日就學識煮生炒糯米飯。」Zoe則說︰「我喺屋企煮多咗嘢，不過來來去去都係煮意粉同煮意粉，因為係超級易煮。」
有見及此，二人早前相約去學廚整蘋果雞批，希望學成新技能後回家慢慢整，Zoe表示，趁機增值自己，問獲得新技能後會否整給男仔食，她笑說︰「有機會都可以試試。我哋嚟學高難度啲嘅嘢食，之後可以返屋企整，當然唔好太複雜，因為都怕搞唔掂。」而Aka直言相當好玩，因整雞批也可以露畫功，她說︰「原來整雞批表面嘅蜜糖，可以用來畫畫，覺得好好玩，我畫咗好多嘢。」