Ad Block Ad Block
娛樂
2024-05-15 18:43:15

鄧兆尊撐何伯向何太送禮 勸唔好再做《東張西望》訪問︰唔夠TVB玩

分享:
鄧兆尊在「田豪祖3寶」YouTube Channel直播期間,分享自己對何伯事件的看法。

鄧兆尊在「田豪祖3寶」YouTube Channel直播期間,分享自己對何伯事件的看法。

《東張西望》一連幾日報道何伯夫婦,有網民直言多年不看無綫,因為何伯而再度追看。何伯夫婦成為不少網上頻道討論話題,就連鄧兆尊亦在「田豪祖3寶」YouTube Channel直播期間,分享自己對何伯事件的看法。

兆尊笑謂何伯抄襲自己,更用高爾夫球作比喻︰「佢買啲嘢咁似我買嗰啲嘢?龍鳳鈪我冇,冇佢咁叻,但鑽石耳環、戒指都有買過嘅。(幾時買呀?)識咗之後先買,打完第19個洞之後,得到咗個肉體,係我俾佢。」

鄧兆尊認為何伯將手放在何太的大髀上,是一早設計好的動作。

鄧兆尊認為何伯將手放在何太的大髀上,是一早設計好的動作。

三C都覺得何太係衰人

他又稱身邊的紅顏知己都一面倒覺得何太衰,就算是第三位同樣是有小朋友的陳妙慧(Nana),也認為何太並非好人。兆尊說︰「我識好多內地人為咗攞身份證,結婚之後再離婚,之後再搵自己鍾意嘅嘢。(何伯)到咗呢個年紀搵個伴好應該,但只係睇錯咗啲啫!」

兆尊又指,何伯打本100萬元予何太做生意沒問題,因為那些錢是何伯自己的,「就算去澳門一鋪過買100萬都得呀,自己搵呀嘛,使得快定使得慢都係自己決定,呢方面我撐何伯。」但他就認為何太這樣埋何伯身是居心叵測。他又以自身經歷說︰「不過,我睇吓好唔好食,好食再嚟幫襯囉。」

鄧兆尊認為何伯要追求的東西,不是年青一輩可了解。

鄧兆尊認為何伯要追求的東西,不是年青一輩可了解。

兆尊支持何伯

曾志豪問到兆尊有女埋身時,會何時才送禮物,他說︰「你愈要我愈唔俾,你唔要嗰啲,我就會俾。你有冇釣過魚?你chok吓chok吓條魚就好容易上釣。點上釣呢?視乎條魚聰唔聰明。」

對於何伯在訪問中自言,若再娶一樣遭子女反對,兆尊說︰「何伯講呢番說話好明顯綵排好耐,經過佢太太訓導同綵排好耐先講,如果唔係冇理由咁清晰而又唔駁嘴嘅。」他又認為去到何伯這個年紀,他追求的東西不是年輕一輩可以理解,認為他沒有做錯,就算何太聲稱愛何伯是因為對方愛錫她也沒有錯。

鄧兆尊認為這些飲湯畫面都是導演一早安排好。

鄧兆尊認為這些飲湯畫面都是導演一早安排好。

隨時半年講何伯

然而,兆尊就建議何伯夫婦不要再接受訪問︰「唔好再做訪問喇,你哋唔夠TVB玩嘅,連續劇做足半年就無謂啦!(佢哋會死咬落去?)梗係咬,而家講買嘢,下集講公屋,有排玩,逐集同你慢慢玩,一個話題可以玩一個禮拜,成個半年都係何伯啦!福祿壽都扮啦!」

鏡頭預先設計好

他又認為鏡頭擺位等已經一早預設好,畫面連餵飲湯也有,坦言何伯夫婦都是按導演指示,著他們不要再做訪問,否則對自身的影響是非常長遠,更用「輸晒」去形容。兆尊說︰「一定係假,你睇鏡頭都知,講吓嘢影吓隻手,一時又摸大髀,已經落定晒order做呢啲嘢,等大家多嘢講啲!睇嘢清晰啲!仔女唔會出場,大家諗吓,做訪問點會無啦啦有湯?又影到有拖手行街,唔好中招啦!賺晒所有收視同扮嘢,拍拍籮友就走,但對於佢哋家人可能越搞越大件事,其實輸晒。」

Ad Block
何伯與何太成為城中熱話。

何伯與何太成為城中熱話。

請接受以下私隱政策及免責聲明,以示你同意am730內之私隱政策及免責聲明。了解更多
接受