梁敏巧以安德尊形容騙色主管。
《東張西望》日前報道女保安Tammy遭同公司保安主管「郭總」騙財騙色，但全段最搶鏡是主持梁敏巧。她聽到苦主形容男方浮誇衣著時，突然聯想起「大王」安德尊，當場笑到要停機。Tammy在訪問中形容「郭總」打扮：「佢著到好誇張，啲面裝顏色總之好似出show咁，粉紅色呀、勾住名牌心口針……」梁敏巧即追問：「即係著到安德尊咁？」Tammy答：「係啊，類似啦」，梁敏巧隨即忍不住即場爆笑，並向工作人員道歉：「笑咗，唔好意思。」
信安德尊唔會嬲
網民對於梁敏巧公然以安德尊來做比喻，都指她相當大膽。事後，梁敏巧在社交網發文解釋，稱出街前已看過該片，身邊同事都指安德尊一定不會嬲，她寫道：「唔好意思，呢條片出街之前我有睇過 ，我都有問大王安德尊會唔會嬲㗎？ 但係所有我問過又認識安德尊嘅同事都話佢一定唔會嬲 ，所以再次證明大王人緣真係非常非常之好。 唔好意思，細佬(路）女唔識世界亂講嘢。」有網民覺得她拿大王開玩笑不夠尊重，但更多人讚她搞笑、形容貼切，亦有人戥安德尊無辜，笑言「躺下都中箭」。
ADVERTISEMENT
