張智霖指，羅富全有教他相馬，所以會到沙圈觀察馬匹神態，再作心水選擇。
張智霖、李佳芯等，昨日於沙田馬場出席賽馬活動，更擔任「冠軍賽馬日大使」，為活動的手機攝影比賽作評判，張智霖更大派「貼士」，不過卻與賭博無關，只是傳授手機攝影的心得。
李佳芯稱，張智霖是馬主識得多馬圈朋友，所以相信他的眼光。
早前到羅富全馬房探班的張智霖，問他有何心水冠軍，他只分享影馬貼士，他說：「用手機影相已經變成日常習慣，可以隨時隨地將精彩片段影低，仲有手機影相操作簡單，所以我認為重點唔係技巧，反而係張相嘅構圖更重要，背景唔好太雜亂，亦可以運用前後景，創造景深效果嚟突出主體，咁樣容易響咁多參賽作品中，吸引到評判眼球。」
李佳芯認為捕捉緊張一刻最重要
第一次與張智霖合作的李佳芯稱，十分期待看參賽者的作品，她表示：「今次賽馬日手機攝影比賽，係以『激情一刻』做題材，我認為表達主題最重要，響一瞬間捕捉到賽事緊張刺激嘅一刻，仲有人群、騎師、馬匹嘅神韻，一啲都唔容易。」