唐文龍今日到新城電台接受訪問，早前他不慎被工廈舊式升降機門夾傷右手，見他手腕仍然包紮著紗布，他指事發時乘搭一部上、下拉閘門的升降機，因為用力將上閘拉下，點知同時下閘向上升高，來不及反應夾傷掌心，即時腫脹，連手掌紋都看不到，現時右手發不到力。
提到他在《溏心風暴3》跟陳敏之激戰連場：「呢排都有好多朋友約食飯，有時都睇唔到，最初自己都唔敢睇，始終係爭議性人物角色，都多謝大家俾面。」問到陳敏之老公可有睇到眼火爆，唐文龍說：「佢話佢老公冇眼睇呀嘛，我要擺和頭酒呀，不過都係為工作啫，又係剪接出嚟，除咗錫冇借位，其實好多都係借位。」他指情慾戲由兩人去設計，其中有一場浴室戲拍了幾小時，其實兩個凍到死，轉燈轉位時要多加件浴袍，拍得十分吃力。